مواقع .. منتديات ..مدونات
كلها حاجات ليها فكر وبتهدف لتوصيل أفكار للناس
او بالأخص للشباب بما أنهم أكتر ناس بتدخل على
المواقع ديه بأختلاف تصنيفها
المفروض إنها بتهدف للتواصل بين الشباب
ومختلف الاجيال وكمان بتبقى فى موضوعات نقاشيه
أكتر من رائعه .. والمفروض يبقى فيه نقاش عقلانى
على الاقل تبادل ومشاركه أفكار الهدف منها الاصلاح
والنهوض بمجتمعنا للأفضل .. لأنه مش هينهض الا على أيدينا
(ده المفروض يعنى )
لكن ده مش بيحصل دايما
بيتحول الحوار الى شيء لا يرقي لمسمي حوار
ممكن يبقى بين أتنين فى قهوه ..
أو أتنين في شارع ...
مش تقليل من كلام الناس ديه ولا تريقه
لكن الكلام بينهم بيبقي من غير حواجز
يعنى كلام على هزار على شتيمه على كله
كوكتيل
في المواقع ديه على أي موضوع بمجرد الاختلاف
نلاقى هجوم وياريت كدة وبس . وشتيمه بأقذر الالفاظ
يعنى أكتر من شارع.. وناس تقول اى كلام وخلاص
المهم تشارك ...
ولأن في الفتره الاخيره لقيت ناس معلقين
وأصحاب مواقع بيتبادلوا الشتيمه كما لو كانت
شيء عادي ودول في نظرى مش مدونين اصلا
او وجهه نظرهم باهته وغير مسنده بدليل
لأن في مقوله بتقول ( علاء صوتك يدل على ضعف حجتك )
مابالنا بالي بيشتموا والأكاده انهم هما أصحاب المواقع ديه
حاجه تكسف بجد
طيب مش المفروض يبقى فيه نقاش بناء
على الاقل ممكن حد يستفاد او يقتنع لو قراه
بلاش كده
طيب مش مواقع الانترنت من بعض أهدافها التوعيه
لأنها بتعتبر عامل او وسيله من وسائل الاعلام
الي فرضها عصرنا
والاهم يكون فيها افاده للمتلقي
والا مش هيكون ليها فايده مش أكتر من
أهدار وتضييع للوقت ؟؟؟
نداء لكل مدون فى موقع .. في منتدي
في مدونه .. ولكل معلق
ياريت نلتزم بحوار عقلاني بناء
نجني من وراه أستفاده وتبادل خبرات وتجارب
والاهم منطلعش عن شعورنا لحظة الاختلاف
والمدونين مينشروش التعليقات والردود
الى مفيهاش أفاده أو مشاركه فكريه
أتمنى ساعه أختلاف الاراء
أننا نحترم الرأي الاخر
ومادام دخلنا في نقاش
نمتثل لقاعده
رأيي صواب يحتمل الخطأ
ورأيك خطأ يحتمل الصواب
يعنى نكون مستعدين يا نقنع
يا نقتنع
ولأصحاب المواقع
بدل ما نرد على الى بيشتموا بالسب
نوضحلهم وجهه نظرنا أكيد هيقتنع حتى ولو
بينه وبين نفسه
وميبقاش مجرد أسفاف ومهاترات
وسب وتبجح
أتمنى .. ولسه بتمني
هناك 7 تعليقات:
و الله يا استاذ زيزو كلامك كله حكم و انا اعرف و احد صاحبى لسه من يومين يمكن رد على واحد فى مدونة كان شاتم فيها بس كان شاكك انه ممكن يكون يعرفه طبعا انت عارف انا اقصد ايه اخوك الكبير HOLLOWMAN
على فكرة يا زيزو ده ردى على مدونة (انا بتعلم منك ) لانها ماكنتش عايزة تقبل تعليق المهم الحالة اللى انت بتكلم عليها دايما بيحس بيها ابو قلب طيب و نضيف ولسة برائته جواه بس المشكلة ان الزمن اللى احنا بقينا فيه مش عايز الطيب و لا اللى برائته لسه جواه لان الناس بتفهم غلط او بتفسر الطيبة غلط على انها ضعف مثلا و انت اكتر واحد عارف انا اقصد ايه و لازم علشان تقدر تعيش لازم تكون (وحش و لئيم وخبيث ومصلحجى و بتحب نفسك اكتر من اى حد تانى ) مع ان انا عارف ان الكويس بيفضل طول عمره كويس و مش بيعرف يكون بالمنظر ده حتى لو حاول و يمكن انت شفت ده فيا و الله اعلم اخوك الكبير HOLLOWMAN
السلام عليكم ورحمة الله وبركاته
z!zoooo****
مدونتك اعجبتنى للغاية (كلام مكرر ومعاد ..>>>>انت تقول هذا الان لنفسك سرآ او جهرآ ....لا اعلم الله ورسوله اعلم)ولكن ما باليد حيلة المدونة حلوة اوىىىىىىىىى ,فعلا حلوة والكلام شيك كده
وتقبل تحياتى
وادعوك للزيارة (اعلم ستقول تانى تكررين الكلام المعاد...لكن لابد من التكرار)
ولك الشكر مسبقآ.
norahaty
100\100 يا باشا
هو ده الكلام ولا بلاش
انا من كتر اللي بشوفة في المدونات تقريباً مبقتش اتصفحها
ههههه
سلامي لك يا غالي
بالنسبة للألفاظ والسب ده شئ عادي جدا :
لأننا شعوب مقهورة مكبوتة وأول مالقيوا وسيلة للتعبير عن الرأي في مكان مفتوح وعالم واسع زي النت طبعا كل واحد طلع الكبت اللي جواه بس كل واحد كبته بيعبر عن شخصيته واحد جواه ونضيف والتاني جواه زبالة بس لازم تعرف ان اللي بيكتب الفاظ وسباب ماهو الا جبان لانه بيستتر وراء صفحات الويب ومش قادر يقول رأيه أمام الدنيا ولهذا فإن كل حركات الحرية عندما قامت قام معها الغوغاء ومثيروا الشغب والفتن وبعدها دامت الحرية ولا أحد يستمع لهؤلاء القلة المريضة.
W.H مصرية حتى النخاع ورغم الجوع وغلاء الأسعار :))
استاذزيزو
الحمد لله ان المدونه مطلعتش هايفه
والحمد لله انا ازهري وبصلي وبقول الاذكار
وبالنسبه لاسمي
انا نفسي معرفش معناه بس هو كده لزقنا لبعض
نورتني بزيارتك
السلام عليكم
هذا ما دعوت إليه في بداية دخولي عالم التدوين
وأنا أ}يدك في ذلك جدا جدا
دمت لنا يا رجل
تحياتي
آدم
إرسال تعليق