29‏/05‏/2009

الاسلام وأحكامه في ظل الانتقادات الساذجه ( الرحمه)



الحمد لله والصلاه والسلام علي رسول الله صلي الله عليه وسلم
بسم الله نحمده ونستغفره من شرور انفسنا وسيئات اعمالنا

موضوع اليوم مطول بعض الشيء لكن لا داعي للعجله
فإن شاء الله مستفيدون جميعا

الموضوع ده في اكتر من حاجه معلش لو طولت


الفيديو ده مش هقول ياريت تتفرجوا عليه

لا ده لازم تتفرجوا عليه

شوفوا رحمه الانسان من الحيوان
ورحمه ربنا الي فوق كل شيء


مش هقول غير




(دوس علي كلمه سبحان الله)

وده لينك مهم من مدونه






ود لينك لإسلام العالم الفرنسي الشهير " موريس بوكاي"

من قصه فرعون موسي

..............




اولا : هناك من يفسر أيات القراءن والاحاديث النبويه بما يناسب


بغيه وإفترائاته وإلحاده واهوائه وهي تفسيرات خاطئه وباهته وساذجه وغير مسنده بدليل



فأول قاعده اود ان اوضحها هي الاسلام واعتناقه والخص ذلك في عده نقاط :


1_ الاسلام دين الحريه والسماحه .. أضاء الدنيا والقلوب وأيقظها من الغفوه والكفر والمعاصي
فهذه هي تعاليمه التي يعلمنا الله ورسوله إياها في القرأن وسنه نبيه (صلي الله علي وسلم)


2_الاسلام لم يجبر او يكره أحدا علي إعتناقه .. فنحن كمسلمون ومن أيام الرسول ( صلي الله عليه وسلم )

لا نجبر أحدا عليه وأكبر دليل علي ذلك أن الرسول ( صلي الله عليه وسلم ) عندما نشبت اكثر من حرب

بين المسلمين والكفار وينتصر المسلمون من أراد حينها الدخول في الاسلام فله الاختيار
ومن لم يرد فيبقي علي دينه ويدفع الجزيه مقابلا لبقائه وحمايته

وأعتقد أن من يخسر في حرب فله حكم الاسير ولكن مواقف النبي كانت

تبين سماحته في معامله الاسري وأعتقد حينها لم تكن هناك جينيف ومعاهدتها




. روى البخاري ومسلم (أنّ رسول الله -( صلى الله عليه وسلم ) كان في حرب،

فجاء رجل هو (غورث بن حارث) حتى قام على رأسه بالسيف فقال: من يمنعك مني؟ فقال: الله.

فسقط السيف من يده، فأخذه رسول الله - صلى الله عليه وسلم - وقال: من يمنعك مني؟ قال الرجل: كن خير آخذ.

قال النبي - صلى الله عليه وسلم - : قل: أشهد أن لا إله إلاّ الله وأني رسول الله.
فقال الرجل: لا. غير أني لا أقاتلك، ولا أكون معك، ولا أكون مع قوم يقاتلونك. فخلى سبيله.

فجاء أصحابه وقال: جئتكم من عند خير الناس)

وأيضا من اقواله (صلي الله عليه وسلم ):

استوصوا بالأسرى خيراً



وروي أنّ النبي (صلى الله عليه وسلم) قال لأصحابه في أسرى بني قريظة بعدما احترق النهار في يوم صائف

"أحسنوا أسراكم وقَيِّلوهم واسقوهم" قيلوهم: أي ساعدوهم بالقيلولة وهي راحة نصف النهار عند حرّ الشمس.

وقال: (لا تجمعوا عليهم حرّ هذا اليوم وحرّ السلاح)


ويذكر (أبو عزيز) أخو مصعب بن عمير، وكان من أسرى غزوة بدر (وكنت في رهط من الأنصار حين أقبلوا من بدر


فكانوا إذا قدّموا غداءهم وعشاءهم خصوني بالخبز وأكلوا التمر،
لوصية رسول الله - صلى الله عليه وسلم - إياهم بنا، ما تقع في يد رجل منهم كسرة خبز إلاّ نفحني بها
وقال: فأستحيي فأردّها على أحدهم، فيردّها ما يمسّها) وكان الخبز عندهم أنفس من التمر، لندرة القمح وكثرة التمر

، فلهذا كان إيثار الأسير بالخبز من باب الإكرام والحفاوة.


وذكر ابن كثير أنّ رسول الله - صلى الله عليه وسلم

(أمر أصحابه يوم بدر أن يكرموا الأسارى، فكانوا يقدمونهم على أنفسهم عند الغداء)


ويقول الله تعالي "ويطعمون الطعام على حبه مسكينا ويتيما وأسيرا" صدق الله العظيم


وينهينا النبي ( صلي الله عليه وسلم ) عن تعذيب الاسري ولهذا قال

(لا تجمعوا عليهم حرّ الشمس وحرّ السلاح، قيِّلوهم حتّى يبردوا)


ولن يتسع المجال للحديث عن الاسر فسوف اتحدث عنه تفصيلا وإجمالا في موضوع اخر



لنكمل ..



3_ إذا دخل اي شخص في الاسلام دون إقتناع وإيمان ورغم عدم وجود عامل الاجبار


فهو ليس بمسلم وإسلامه غير صحيح



فيقول الله تعالي " لا إِكْرَاهَ فِي الدِّينِ قَدْ تَبَيَّنَ الرُّشْدُ مِنْ الغَيِّ فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدْ اسْتَمْسَكَ بِالْعُرْوَةِ الْوُثْقَى لَا انفِصَامَ لَهَا وَاللَّهُ سَمِيعٌ عَلِيمٌ))(256) البقرة" صدق الله العظيم


4_ دليل أخر أن القرأن الذي يحقر منه الجهال دون قرائته ولا التمعن في معانيه


وتفسيره تفسيرا صحيحا قول الله تعالي في سوره الكافرون


بسم الله الرحمن الرحيم




وسبب نزول الايه هو :


اعترض رسول الله( صلى الله عليه وسلم) وهو يطوف بالكعبة فيما بلغني


وكانوا ذوي أسنان في قومهم فقالوا : يا محمد هلم فلنعبد ما تعبد ، وتعبد ما نعبد


فنشترك نحن وأنت في الأمر فإن كان الذي تعبد خيرا مما نعبد كنا قد أخذنا بحظنا منه

وإن كان ما نعبد خيرا مما تعبد كنت قد أخذت بحظك منه


فأنزل الله الأيه الكريمه ردا عليهم


والتكرار في الأيه للتوكيد .. ومعني الايه موضح من سبب النزول

فهذا من ناحيه أما من ناحيه اخري فتعاليم الاسلام وقواعده معروفه ومعلومه


فمن يدخل فيه يعرف ما سيقتضيه أعتناقه من إتباع وأمتثال أوامره



والإبتعاد عن نواهيه





وتمثيل علي ذلك في حاله إعتناق الاسلام سيتوجب علي من دخله:


الصلاه . الزكاه . . الصوم. الحج ..فهذه هي الاركان وكذلك باقي تعاليمه


أمثله من أحكام مخالفته :

القاتل يقتل .. السارق تقطع يده .. الزاني والزانيه المحصنين وغير المحصنين

فأحكامهم ما بين الجلد والرجم حتي الموت ( والله تعالي أعلي وأعلم )

وهذه الأحكام من بعض أحكامه فعندما تدخل الاسلام فقد دخلته بإختيارك


و عن اقتناع فدخولك فيه هو الحد الفاصل وحينها يجب أن تطبق عليك شريعته وعقوبته





في حاله مخالفته او ارتكاب المعاصي



وايضا من البديهي أنه حينما تدخل الاسلام عن اقتناع واصبحت مسلما


لا يحق لك تغيير دينيك وان ترتضي بغيره .. فإذا حاولت ذلك فإنه شيء غير مكفول


وذلك من لحظه دخولك فيه وتطبق عليك أحكام الرده وإهدار الدم في حاله خروجك منه


وليس هذا ظلما ولا ينافي اي حق إنساني فقبل ان تدخل الاسلام كنت تعرف احكامه كلها



فمن يقدم علي مشروع هدفه الربح لا يقدم عليه من دون دراسته من كل جانب



ومعرفه كل شيء عنه .. فما بالنا بإعتناق دين سيترتب عليه حياتي كلها ومماتي



فلست انا بهذه الدرجه من السذاجه حتي أدخل في دين وانا لا اعرف كينوناته



فأنا اعطيتك شروطي وقواعدي .. وأنت قبلت .. إن خالفتني حق لي معاقبتك


فإني درست في مجال العقود الوفاء بوعد البيع .. فإن أخلفت شروط عقدي



فهناك شرطا جزائيا .. فهل يفكر الناس بتفاصيل العقود ولا يفكرون بتفاصيل الدين



هذا شيء لا يعقل وافتراء ساذج..



أما هذا فإجمالا لبعض مواقف النبي مع الكفار واهل الذمه من اليهود والنصاري ..
ومدي إيذاء الكفار للرسول ورد فعله تجاههم ..

فكانت له بعض المقولات في بعض المواقف منها :


قوله ( صلي الله عليه وسلم ) :" إذهبوا فأنتم الطلقاء"



"إستوصوا بأهل الذمه خيرا "



" لا تقتلوا طفلا ولا شيخا ولا إمرأه وأن لا نقطع شجره"


وان لا نؤذي أهل الذمه من النصاري واليهود وان لانهدم أماكن عبادتهم



فهذه بعض المواقف والمقولات التي تبين سماحه الاسلام وعظم الله سبحانه وتعالي



فبالله عليك اليس نبينا أطهر إنسان في الوجود .. وأنه بعث ليتمم مكارم الاخلاق



وأيضا من داخل القرأن ما يدل علي أن ديننا ليس دين إرهاب ولا يحثنا عليه


فيقول النبي ( صلي الله عليه وسلم ) :



هل أدلكم علي شيء إذا فعلتموه تحاببتم ؟؟ أفشوا السلام بينكم



صدقت يا رسول الله





وقال رسول الله( صلي الله عليه وسلم ) "من اذى ذميا فهو خصيمى يوم القيامة "



وانتم تسبونه وتتهكمون عليه برسومكم المسيئه وتنكرونه وتجحدونه


وأيات من القرأن تحث علي السلام : " وإن جنحوا للسلم فأجنح لها وتوكل علي الله"





فهؤلاء العلمانيين والملحدين والكفره ليسوا إلا عقولا خاويه لا تمتلك حجه ولا تفسر


تفسيرا صحيحا




كل ما يهمها أن تبحث في القرأن وفي السنه للبحث عن أيات وأحاديث تحث علي الجهاد



دون معرفته مناسبه قولها وسبب نزولها ولكن هنا الهجوم لمجرد المهاجمه



ويبتعدوا عن باقي ايات القرأن لأنهم لم يجدوا فيها ما يدسوا سمهم فيه



وطبعا تأثيرهم علي ذوي العقول والنفوس الضعيفه والمسلمين اسما ووراثه



فينساقون ورائهم كالإمعات وبدلا من ان نرد علي الغرب فقط



نبقي علي جبهتين نرد فيهم علي الغرب تاره ..وتاره اخري علي المسلمين



الذين ليسوا بمسلمين!!!



ولكن يجب ان نقول أن من يبحث دون تفسير او فهم فهو يريد التشنيع لا أكثر



وأولا وأخرا هم كفره في جهنم والمسلمين الذين يؤيدوهم كفره كذلك



وولا مليار زيهم هيعزوا الاسلام



وحسبنا الله ونعم الوكيل




اللهم صلي وسلم وبارك علي سيدنا محمد وعلي اله وصحبه اجمعين

....................


تحديث : ياريت كلنا نتضامن مع رامز عباس

ومع كل أخوننا المعاقين ونتضامن معهم وندعو لهم بحصولهم علي حقوقهم

ياريت ترسل تضامنك او تنشر الموضوع

19‏/05‏/2009

حاجه غايظاني ومحيراني ( وواجب )




واجب : البقاء لله إنتقل اليوم إالي رحمه الله

نجل السيد / علاء محمد حسني مبارك

وحفيد السيد الرئيس / محمد حسني مبارك

اتقدم بخالص العزاء لأسره الطفل الفقيد


وأن يلهم الاسره العظه والصبر والسلوان


......................


كل ما تقف مع واحد او تتكلم مع واحد تلاقيه يقولك

يا جدع الدنيا اتغيرت الناس معادتش زي زمان

وكل الناس تقول كده .. والناس الي قبلنا قالوا كده

والي كانوا قبلهم قالوا كده .. طيب يا تري هو فين الزمن الي كان كويس

وفين الناس الكويسين الي كانوا موجودين وبيضربوا بيهم المثل

كنت مندمج في روايه للدكتور " أحمد خالد توفيق " الي طبعا بعشق كتاباته




الروايه من سلسله ( ما وراء الطبيعه ) فكان في فقره في الروايه


بيقول فيها :



" كانت ( عفاف ) زوجه ( بكر ) نموذجا فريدا من نوعه

المرأه التي تشعر طيله الوقت بأن هناك خدعه ما

الاخرون يحاولون خداعها ...

كل الباعه لصوص ..وكل طارقي الباب نصابون

كل الافلام مشينه .. وكل المسلسلات تافهه .. وكل الكتب لاتقول شيئا

كل الزوجات الاخريات سافلات .. وكل الازواج خائنون

كل أصدقائه أوغاد .. وكل صديقاتها ثرثارات

الخلاصه أنها وصلت الي السلام بشكل تام مع غوامض هذا الكون

كل شيء أسوأ ما يمكن .. أو تكمن وراءه خدعه ما .

وكانت عبارتها الخالده هي :


" لم يعد الناس كما كانوا "


لاتعرف أبدا متي كان الناس ( كما كانوا ) فلابد أنها كانت تعيش

في العصر الباليوزي حين كان الناس علي خلق .. لا يخدعون أحدا

لسبب بسيط .. هو أنه لم يكن هناك ناس في ذلك العصر ...


لما قريت الكلام ده طبعا وقعت من الضحك وحسيت إنه بيتكلم عن لساني

لما كله بيقول زمان الناس كانت كويسه .. طب هو فين الزمن الي كانوا ناسه كويسين ده

حاجه كمان بتفقع مرارتي تلاقي كل واحد يقولك :

يا جدع الناس بقت وحشه كله بياكل بعضه .. محدش طايق حد

محدش .. محدش .. طيب لما كل الناس بتقول كده

أمال الحراميه . والنصابين . والي بيشتموا . والي بيسبوا دين

والي بيقتلوا . والي بيزنوا . والي بيشربوا خمر. والي بيختلسوا ..

والي .. والي . والي لو قلت فيهم مش هخلص

المهم لما كل الناس كويسه .. وكل الناس مظلومه

الانماط ديه كلها بتطلع منين ؟؟

يعني مثلا تبقي بتتكلم مع حرامي وتلاقيه بيقولك :


الدنيا اتقل بركتها .. والشر الي في الناس


الناس بتاكل بعض ..ده لو غفلت شويه يسرقوا الكحل من العين


وإنت من جواك بتقول : يا سلام سلم أمال انت تبقي ايه !!!


زي مسئول من المسئولين تلاقيه بيهلب تهليب من خلال منصبه


وطالع في برنامج بيتكلم عن الفساد والغش والاختلاس وخيانه الامانه


وطبعا المُّشاهد بيستمر في ضحكته الصفرا الساخره

ماتفهمش الدنيا ديه ماشيه ازاي ولا فيه ايه


ولا الناس بتفكر ازاي ولا فـ ايه


ولا الناس عايزه ايه


المهم في الاخر نقول " الحمد لله الذي عافانا مما ابتلي به غيرنا "


ونقول : الي خالقها هو الي قادر يعدلها


سبحانك يارب


تمت


....................

ملحوظه : ده بوست انا كاتبه من فتره لكن منزلتوش


نزلته دلوقتي نظرا لحاله الركود الراهنه


ياريت الي يقري كلامي لو إستفاد يدعو غيبا بالرحمه لي ولوالداي




12‏/05‏/2009

( انا والتلفزيون) عمار يا مصر





السلام عليكم ورحمه الله وبركاته



ازيكم جميعا وحشتوني



طبعا ديه عوده بعد فتره إنقطاع نظرا لظروف مرض والدي ووفاته



وانا من ساعتها فاقد كل شيء ..



فاقد احساسي بالزمن والوقت



بقيت بنسي كتير او بالاحري مش بفتكر حاجه



حاسس إني حتي لو ضحكت مش بضحك بنفس



كمان تعبان علطول ومرهق



وماليش نفس وولا عايز وولا عارف اعمل اي حاجه



ده غير احساسي باليأس الرهيب والحزن المستمر



والاهم إكتئاب وكمان إحساس بالفشل



حاسس إن حتي الحاجات الي بحبها انا فاشل فيها



يعني مسيطر عليا قوي اليومين دول إحساس



إني مش بعرف أكتب ده من الجانب الادبي



ولا حتي عارف ادون حتي



وكمان لدرجه اني بفكر اني ابطل كتابه اصلا


واسيب التدوين

ده بجانب إن ليا هوايات تاني فيه الي مش بمارسها


وفيه الي ناسيها ..

ليا كام يوم مش عارف اختار بوست اكتبه

مش عارف انزل قصيده ليا ولا لغيري


ولا قصه ولا موضوع عام ولا عني ولا اي حاجه

وبيجيلي الحل سريعا بلاقي النت فصل

برتاح ..

طبعا انتوا قرفتوا وزهقتوا ايه الممل ده



وإحنا مالنا طيب بيه ما يتحرق



هقول اصبروا انا جايلكم في الكلام



في غمره الحاله الي انا فيها ديه



شويه حوادث حصلت في اليومين الي فاتوا كملوا عليا

اولهم الراجل الي جابه محمود سعد في البيت بيتك
الي قتل او ذبح عياله الاتنين من الفقر تقريبا او حاجه زي كده
وطبعا برود تام علي وش الراجل ولا كإنه دبح فرخه

وقال إيه بيطلب من القاضي يعدمه بأقصي سرعه

طيب انا نفسي افهم طيب انت مكتئب ما تتنيل تنتحر انت مال العيال

وكان تقريبا قعيد يعني علي كرسي بعجل طيب مش يمكن العيال ديه

تكبر وتبقي سندك في الحياه والاسم قال مهندس

بس السؤال الي هنا وفعلا جه في دماغ ناس كتير

طيب حتي بعد ما قتلهم وهو عايز يتعدم بسرعه قوي كده


ماقتلش ليه نفسه بالمره ؟؟



الي بعده ..





النهارده فتحت التلفزيون بالصدفه قولت اشوف الدنيا اخبارها ايه


اصلي بقالي كتير مطلعتش من الكهف


ألاقي زي ما بيقولوا " اول الغيث قطره "


انفجار سياره بجوار كنيسه العذراء الارثوذوكسيه في الزيتون


بتاعه محامي مسيحي لا وايه مش قنبله


ديه عبوه ناسفه يدويه الصنع والله حسيت إننا في العراق


بس تقريبا مفيش إصابات



الي بعده


في العمرانيه واحد شغال عند ستورجي


المهم إختلف مع معاه علي إنه يزوده فلوس


يعني زي مثلا لو كان بيقبض 35 جنيه وهو طلب يبقي 45 او 50جنيه الراجل مرضيش


المهم اخينا ده تقريبا من سوهاج سافر كام يوم لبلده وهو عاقد العزم وعنده النيه في الانتقام من الراجل


اول ما رجع إنتهز فرصه إن الام في شغلها تقريبا وراح البيت عند الطفلين


زياد "11 سنة" وشهد "6 سنوات وهو طبعا عارف إنهم لوحدهم اول ما الطفل زياد فتح الباب


طعنه اكتر من عشرين طعنه وطبعا بعدها مسك البنت وطعنها كتير قوي وهرب علي سوهاج


سمعت كمان إن عدد الطعنات وصل 42 طعنه شوفتوا الهنا والرحمه !!


المثير في الموضوع إن القاتل يبقي ابن اخت ابو الطفلين يعني خاله !!!!





الي بعده


لو مراتك عكرت مزاجك ممكن تعمل ايه ؟؟


ترنها علقه متنساهاش وتطلع غلك فيها


تطردها بره البيت او توديها بيت ابوها


تطلقها وترتاح منها تغور بقي


طيب لو مراتك سابت البيت من غيظك هتعمل ايه ؟؟


هتطلقها غيابي


هتطلبها في بيت طاعه


هتتهمها بسرقه حاجه عشان تجبر علي الرجوع


ايه كمان .. ايه كمان ..


الحلول كتير لكن بطل القصه ديه عمل ايه


أخد بنتينه هدية‏6‏ سنوات‏,‏ وحنان‏5‏ سنوات‏


شوفوا الفن بقي وراح لبير جوفي تقريبا او بير والسلام


ورمي البنتين وردم عليهم بالرمل ؟؟


وأد ده ولا إيه ؟؟ ورمل ؟؟ إيه ياعم الي انت بتقوله ده


أه والله يا جدعان هو ده الي سمعته بالنص


لينك الحادثه ما شاء الله لينك كله حوادث



الي بعده


بس مش فاكر الخبر بالظبط


واحد باين عايز ينتقم من مراته تقريبا كده يعني


قوم إيه يسافر من سوهاج للقاهره ب(ألي ) ويفرغه فيها هيا وعيلتها


ماهو تقريبا كده عياله معاهم


اصلي مش متأكد اصلي كنت اساسا باكل قمت من الاكل


ونزلت اصلا كنت هفرقع بصراحه وهبكي في نفس الوقت


يخرب بيت كده إيه البشاعه والساديه الي بقت في الناس ديه


إيه الغليان والانتقام الي بقي في الناس والرحمه الي سافرت من زمان ديه



الي بعده


اه لسه فيه بعده بس مش قتل خالص


كنت رايح درس لقيت عند المعيد حد من بتوع الضرايب


اسمعوا الكلام الي سمعته خليها تكمل بقي إن شاء الله ما حد حوش :)


قانون الضرايب العقاريه الجديد بيقول ايه :


كل شقه بتزيد مساحتها تقريبا عن 195 متر عليها ضريبه


بيعملوا ايه بقي شوفوا النصاحه والفصاحه


بيضربوا مساحه الشقه في سعر الارض


لو طلعت تعادل او تزيد عن نص مليون جنيه


يبقي تقريبا هياخدوا 5% من التمن


طيب نعمل مثال بسيط كده


لو شقه مساحتها 250 متر وسعر الارض 2000 جنيه مثلا يعني


يبقي 250×2000=500000 يعني نص مليون جنيه


يعني تقريبا حوالي 25 الف في السنه او شيء يشبه كده يمكن انا سمعت غلط


بس حاولت افهم اكتر من المعيد قالي نفس الكلام الي سمعته


وتقريبا بيفضل يدفع لمده خمس سنين وبعد الخمس سنين


بيتم تشكيل لجنه خماسيه لتقدير سعر الارض او الشقه او العقار


بعد المده ديه وتتحدد الضريبه الجديده


وهكذا وده طبعا علي الشقق والفيلل والعمارات والجراجات وكل شيء


والله حسيت اني قاعد قدام كتاب تاريخ وعيني جت علي موضوع


الاقطاعيين إن من كتر الضريبه الي كانت علي الارض


الفلاح مكانش بيقدر يزرع الارض ومش بيقدر يطلع منها التكلفه


وبيتحول لعامل في الارض بعد ما كان مالك


والله فعلا المعيد قالي ده الواحد يبيعها احسن


قال وإيه كل واحد ليه حق النقض في قيمه الضريبه ديه


زي تسويه ولا معرفش ايه


وكمان نسيت اقول النقطه ديه
إن الضريبه كمان علي كل الشقق او العمارات الي مش مسكونه
يعني انت لو مالك شقه ومش مأجرها يعني مفيش وجه إستفاده منها
برضه هتتاخد منك ضريبه

لا وحاجه مهمه الضمير الانساني والصحفي بيحتم عليا اقولها



كل المباني الي قبل 1995 خارجه من نطاق الضريبه



وياريت لو انا فهمي غلط يفهمني عشان هطق اساسا







الي بعده



هو بقي فيه بعده ما خلاص



انا عارف اتسدت نفسكم علي الاخر

وإتخنقتوا مني وهتسبولي بس ده الي حصل



بس هي اصلا مراره واحده وانا شاكك في سلامتها جوايا

انا ايه الي خلاني افتح التلفزيون

تحديث : عملت التحديث بس عشان اقول إن عيد ميلادي كان يوم 3/5
قولت اهي اي حاجه تكسر النكد ده