16‏/04‏/2009

البقاء لله ( في يوم رحيلك يا ابويا )


البقاء لله


في يوم 28 /3 /2009


إنتقل والدي الي رحمه الله


لا أعرف ماذا أكتب أو بماذا أعبر عما يعتريني


ولكن ليس بيدي سوي أن أدعو له :


اللهم إني أسئلك بإسمك الطاهر الطيب الاعظيم الذي إذا دعيت به أجبت


وإذه سئلت به أعطيت . وإذا إسترحمت به رحمت . وإذا إستفرجت به فرجت


انا تغفر لوالدي ما تقدم من ذنبه وما تأخر


الله إرحمه وعافه وأعفو عنه وإغفر له وتجاوز عن أخطائه


وإعفو عن خطاياه وأكرم نزله وأوسع مدخله


وإغسله بالماء والثلج والبرد


وباعد بينه وبين خطاياه كمان باعدت بين المشرق والمغرب


ونقه من خطاياه كمان تنقي الثوب الابيض من الدنس


اللهم إرزقه دارا خيرا من داره


وأهلا خيرا من أهله


وزوجا خير من وزجه


وإرحمه من عذا القبر وضيقه وضمته وظلمته


وثبته وحرم جسده وجسد المسلمين جميعا علي النار


اللهم ارزقه الجنه وإجعل قبره روضه من رياضها


ولا تجعل قبره حفره من حفر النار


اللهم إني أسئلك بموجبات رحمتك وسعه عفوك وعظم مغفرتك


أن تظله تحت ظلك يوم لا ظل إلا ظلك


وأن ترزقنا أجره ولا تضلنا بعده



ياودود ياودود ياودود يا ذا العرش المجيد يا مبدىء يا معيد


يا فعال لما تريداسألك بنور وجهك العظيم الذى ملاء اركان عرشك


وبنعمتك التى انعمت بها على عبدك وبقدرتك التى قدرت بها علينا


وبرحمتك التى وسعت كل شىء انت وسعت كل شىء رحمة وعلما


يامغيث اغثنى يا مغيث اغثنى يا مغيث اغثنى


وأغث جميع المسلمين وإرحم والدي وجميع أموات المسلمين


وصلي الله وسلم علي سيدنا محمد وعلي أله وأصحابه أجمعين


ومن اتبعهم الي يوم الدين



وأيضا أهدي الي روحه بعض الكلمات التي شعرت بها


التي تحوي مشاعري وقدر حبي وشوقي له :


في يوم رحيلك يا ابويا بكت عليك كل الدموع


وعمري علي حد ما كنت مقهور كده وقلبي موجوع


يا ابويا بس قولي :


سايبني لمين ؟؟


لأحزاني وصبري وعذاب السنين


أنا مش زعلان من قضاك يارب


لكني مش كل يوم هلاقي أب


طيب قبل ما تسيبني فهمني :


أحس منين بعدك بالأمان وإنت كنت سندي وحمايتي


لحظه وفاتك وقف بيا الزمان وقلت من بعدك إزاي هكمل حياتي


وحسيت إن يوم وفاتك نهايتي


ورغم إني كنت كتير عنك بعيد لكن من بعيد قريب


كنت حاسس حبك لينا وجواك إنسان وأب طيب


طيب دلوقتي ريحني وطمني :


هل انا عرفت أرضيك أو أوفيك حقك ؟؟


أتمني لو إني كنت إبن بار وفعلا أستحقك


طيب حتي رد عليا وجاوبني :


مين الي هيمسكني وانا طالع بتسحب خايف علي السلم


ومع مين هفضل أناكف وأثور وأتدلع وأتعلم


مين الي هيزعقلي وهيعنفني لو يوم إتعديت حدودي


ومين الي في غيابه وحضوره أحترمه وأنقي قدامه كلامي وردودي


ماهو خلاص !!


انا من بعدك بقيت في سجن كبير


ولحزني وألمي وضعفي أسير


وأي شيء بحبه وانا بعمله بحس بالذنب


لأن الحزن والخنقه والحسره ملكوني


منين الفرح هيخش القلب


كنت شايل من علينا كتير حمول وحمول


كل ده ورثناه لوحدنا ويارب العذاب علينا ما يطول


من بعدك والله الفرحه مسروقه


وفراقك كأنه في قلوبنا سكاكين وخناجر مرشوقه


كنت بتقطع وانا بشتريلك بإيدي الكفن


وحسيت إنها أخر دقيقه في عمري


ولازم جسمي جنبك يتقتل ويندفن


لكن انا مش معترض علي حكم الله


ولو كانت الدنيا لحد دايمه كان نبينا محمد


لسه باقي في الحياه


والوداع الي أملكه في إيدي دلوقت


إني أدعيلك طول حياتي في كل وقت


الوداع يا أطيب أب


يالي من بعدك كل باب مسدود وفي كل طريق مطب


كان نفسي تعيش لما تشوف احفادك


لكن كلنا بندعيلك ربنا يرحمك ويعفي عنك وويغفرلك


ويسترك في ترابك



رجاء : مني ليكم ياريت كل واحد بيزعل أهله يحاول يرضيهم ويكسبهم
عشان ما يجيش اليوم الي يندم فيه إنه معرفش بقيمتهم غير لما راحو منه
ربنا يخليلكم والديكم ويديهم طوله العمر



الله يرحمك يا أبويا