29‏/03‏/2008

أضـــــــــــــــــــــــــراب









اضراب عام لشعب مصر 6 April


- اضراب عام لشعب مصر انا قريت على النت وجتلى رسائل على الموبيل ان فى اضراب عام يوم 6


ابريل للاعتراض عن الغلاء المفرط والارتفاع الجنونى فى الاسعار ومن ناحية اخرى المرتبات والدخل لا يتأثران نهائيا بهذا الارتفاع فى


الاسعار وكأن الحكومة والبلد عايزنا نضرب دمغنا فى الحيط ......... عجبتنى الفكرة وفكرت ان احنا ممكن ندعم الفكرة باضراب عام عن

الشراء نعمل اضراب عن شراء اى سلع فى اليوم ده وياريت منكنش سلبين ونشارك كلنا فى الاضراب ....... مفيش حاجة فى البلد ممكن



تتغيير واحنا واقفين نتفرج ونقول حسبى الله ونعم الوكيل ..... ومش هتتغير لو 10 او عشرين او الف او حتى مليون واحد هو اللى عارض


هو اللى احتاج هو اللى قال للظلم لا ............ لو مكناش 70 مليون ضد حكومة فاسدة وظالمة ومرتشية مفيش اى حاجة هتتغير وساعتها



اياك تقول ان الحكومة بس هى السبب فى انك مش لاقى تاكل لازم تعترف انك ساعدت الحكومة بانك واقف تتفرج عليها وهى بتتدبح فيك



وفى اهلك وفينا كلن! ا . 6 ابريل ............ اضراب عام للشعب المصرى و بالنسبه لهذا الجروب و هو يعتبر الأن اقوى و اكبر و انشط



التجمعات الداعيه للإضراب فقد تم الاتفاق حتى الان على الاتى






1- الاجماع على تعليق علم مصر فى البلكونات



2- الاجماع على ارتداء

ملابس سوداء و يفضل مطبوع عليها اى شعار للإضراب لو امكن مع حمل شاره او اى اعلان عن "إنى مضرب إحتجاجا على الأسعار



3- تم بالإجماع الاتفاق على الإضراب عن شراء أى سلعه لتمثل وسيلة تهديد للحكومه التى لا تعيرنا اى انتباه و لا تحترم وجودنا ولا


تحس بمعاناتنا و كذلك الاضراب عن شراء السلع يعتبر تهديد لاى تاجر يرفع الاسعار اننا يمكن ان نتحد لمواجهته عند حدوث حالة شلل فى

هذا اليوم سيفكر الجشعون الاف المرات امام هذا الشعب الواعى


4- تم الاتفاق على ان يحاول الجميع قدر استطاعته بكل السبل على


الاضراب عن العمل و الغياب عن العمل هذا اليوم و اعلان ذلك قبلها و اعلان الاضراب

5- اجمع جميع الطلبه على الاضراب عن الدراسه


فى ذلك اليوم و اعلان ذلك مسبقا


6- لإصحاب المهن الحرجه كالطبيب مثلا أو ما شابه و كذلك لمن لن يستطيع ابدا ابدا ان يمتنع عن العمل


و كذلك بالنسبه للطلبه الذى يتوافق 6 ابريل مع امتحاناتهم فإنهم سيضطرون للذهاب لمصالحهم مع اعلان الاضراب لبعض أو كل الوقت و


كذلك الاعتصام السلمى فى مجموعات إن امكن



7- على من يستطيع النزول للتظاهرات التى ستكون فى الميادين الرئيسيه بالمحافظات يمكنه



ذلك و لكن بعد الاتفاق مع القوى السياسيه و منظمات المجتمع المدنى على ميعاد و مكان التظاهرات



8- على الجميع العمل بجد منذ اليوم حتى



الان على نشر كل تلك الافكار بين الشعب المصرى و هم اهلنا و اصحابنا و اقاربنا و زملائنا فى العمل مستخدمين فى ذلك كل الوسائل



المشروعه من دعوات صريحه عامه او فرديه او ارسال رسائل محمول او مكالمات هاتفيه او البريد الالكترونى و المنتديات و المدونات و



المواقع الاعلانيه و الجرائد و الصحف و المجلات و الاتصال بالفضائيات .. و كذلك تعليق الالافتات و ارتداء تى شيرت أو شاره يحمل






الدعوه للإضراب من الان حتى ميعاد الاضراب و الله الموفق الله .... الوطن --------------------

رساله من صديقه


28‏/03‏/2008

الحشـــــــــيش






الحشيش . الحشيش .. من غيرة الناس متقدرش تعيش

دة بقى
ضرورى فى حايتنا .. وأهم من القمح والعيش


غالى وللرخاص والسعر مفاجأه
وعرض
خاص .. تعالى هقلك السعر متبكيش


تعا تعالاى بصدر مفتوح ببيع
الساعة خمسة
..فوق السطوح تحطيم أسعار وكمان بقشيش

الحته أصلى وكله
تمام لاتقلى بنج ولا
برشام.. وعندى حاجات جديده أصلى وبردة تحابيش

لو
دماغك لفت متشيلش هم الحته
هتخليك تشوف .. التلاجه عروسة لابسه
طرحه و فستان
بكرانيش

بحرى وصعيدى وعلى
كل لون يا حشيش .. الرك
على
المذاق والشده
متتنسيش

الدماغ متعمرة والاحاسيس
متسلطنه ..
أفرحى
بولادك يا مصر لية
مبتفرحيش

يا حسرة
قلوبنا على شباب
بلدناالى بقوا
مساطيل.. ويا خسارة
الحضاره والعمر
الطويل كفاية
متتحسروش

أفرض وانت
بتشرب جالك ملك الموت
.وفجأه
. أخد روحك بكل
صمت وسكوت هتقولة
الحجرين لسة
مخلصوش

ولا لو رب
العرش العظيم
خلاك جوا النار سجين ..حجتك
هتكون
الملايكه عليك
مصبروش

لية يا
حشيش خليتنا محابيس وخليت ..على
قلوبنا
وعقولنا
ترابيس يا ناس
كفاية للحشيش
متزرعوش


عارف
أنكم من جواكم
بتدعوا
عليا لكن ده ..مكتوب
ومش
بأيديا انا زعلان
عليكم ومتزعلوش

دى
الصحة دره
ومعدن نفيس والى
يحافظ عليها..
عاقل والى يضيعها
ملحوس





أهداء ألى السادة المحششين




!!ممعكش عويل .. مفيش خابور .. أستنى أضرب الدبوس دة



مصطلحات غريبه للحشيش بكل لهجات المحافظات .. وما خفى كان أعظم




تروح ميادين معينه او تدخل شوارع معينه تلاقى واحد جالك : مش عايز حاجة يا باشمهندس ؟؟




!!أو يقولك علطول من غير مقدمات : انت عايز حشيش يا أستاذ




قعده الحشيش تلاقى فيها أنماط كتير من الناس . من رتب عسكرية . وحراميه .قطاع طرق . شمامين . طلبة ثانوى



.وموظفين فشله .طلبه أعدادى وأأقل والله . عواطلية . جهلة وأميين ومن كل المهن والحرف ومن كل المستويات والعقليات


تبص وتقول أية الى جمع كل المستويات والانماط دية .. متلاقيش غير رابط واحد بيربطهم فى قعدة







..الحشــــــــيش ..


!!العباره المألوفه ( الخايبه) : الحشيش كيف الملوك


!!!بقى حتى الكيف والمخدرات فيه ملوك وشحاتين


يمكن عشان سعره غالي .طيب ماهو فيه أماكن كتيره فيها برخص التراب


وتلاقى واحد بيسئل صاحبة : أنت جبت القرش بكام . يقوله بخمسين جنيه



يضحك التانى ويقوله بسخريه : الراجل قرطسك انا جبت قرش بتلاتين جنيه


ويحسسك أنه بنى الهرم .. حتى ديه فيها أفتخار؟؟؟





..ناس تقول انا مبحطش السيجاره فى بقى .. تقوله ربنا يكملك بعق..


.. متلحقش تكمل الكلمه تلاقية بيقول: انا بشرب حشيش بس



ويقنعك .. الحشيش ضرره أقل من السجاير .. والاتنين سم وزفت




!!واحد يقلك : انا عمرى ما أدفع قرش فى حشيش ولا فى مخدرات.. اشربه اه أشتريه لا ..لاجدع




طبعا الحشيش بيخلى الى بيشربه يصرف فلوس بمعدلات كبيره . ولومش معاه فلوس بيبدأ يستلف


أو يروح يشرب عند حد من أصحابه ( بيحصل) وطبعا من تأثير المخدر والجو نفسه الى بيبقى فية الى بيشرب


بيبدأ الاخ فى أكتساب عادات جديده ..وأكتشاف مواهب جديده جواه منها ( سب الدين) ..الشتيمه فى كل الناس ..



فى ناس بتوصل بيهم ( أستغفر الله العظيم ) أنهم بيشتموا ربنا .. وطبعا بيبقوا لعنه فى بيوتهم صبح وليل خناق مع أهاليهم



وخلقهم ضيق .. وكمان لأن أحتياجاته فى الفلوس زادت ومبقتش مكفياه




الصداقة نفسها بتتحول كتير منها بينهم لمصلحه .. يعنى قعدتى مع صاحبى عشان الحشيش ولو بطل ببطل أقعد معاه



وان رجعلة ترجع قعدتى ( شفتها بعينى ) ..؟؟





تلاقى عواجيز وشباب وأطفال وكل الاعمار بتشرب حشيش مع بعض .. حتى فى الافراح فــ ليلة الحنه بالتحديد



الناس بتفرح والى بيرقص لكن الواجب لازم يكون حشيش وصاحب الفرح لازم يعمل الواجب ويشرب ويدى



الناس حشيش .. هو دة الواجب ؟؟؟








بقى فــ كل حتة وفــ كل وقت ومكان مبقتش فيه حاجة ممكت تستغربلها أنك تلاقى طفل عمره بين (10_15)سنه




بيشرب حشيش (الى كنا أحنا فى عمره بنفكر نلعب كورة. نلعب سباحه ولا نحوش ونشترى عجله . ولا شطرنج)؟






والمشكله ان كله بيقولك: انا بشرب بمزاجى وأقدر ابطله فى أى وقت برضه بمزاجى.. طيب لما هو بمذاجك بتشربة لية؟؟



!!ولو بمذاجك اعند فى نفسك مرة وورينا ازاى بمزاجك تبطله






وتلاقى تاجر مخدرات بيبيع للناس وهو للحكومه ( مخبر أو مرشد ) ياخد الفلوس من الى بيشتري ويدي الحتة للزبون




ويروح عامل أخباريه للشرطه ويتمسك أخينا المشتري وترجع الحته للتاجر تانى عشان يعيد الكره



..والى ضايع فى الليله ديه كلها هو المشترى.. الى مش قادر أقول عليه غلبان




تسئل واحد بتشرب ليه يرد ويقول : بسرق بيه ضحكه.. وغيره بشرب عشان أنسى .. وولا بينسى ولا زفت






مع الوقت الجسم بيتعود عليه ويبطل يحس انه مسطول ومينساش حاجه ؟؟





ومنهم الى بيتمسك وبيضيع مستقبله .. يرضى مين ده ؟؟





:يعنى المعادله بسيطه




رمي فلوس فى الأرض + أهدار صحه + ضياع أخلاق + عار وسمعة زى الطين







ضياع مستقبل أنسان=




طب لو هنقول ان حكومه بلدنا مغرقه بيه السوق (تكون بتختبر نوايا الناس ياتري هتفسد ولا لا )أو




بتغيبنا عن الواقع من ظلم وغلا أسعار ودمار وأنعدام ديموقراطيه وحريه سياسيه طيب وأحنا مش هنبطل سذاجه






وقول النبي صلى الله عليه وسلم:(( لا تزول قدما ابن آدم يوم القيامة من عند ربه حتى يُسئل عن خمس عن عمره فيما أفناه،وعن شبابه فيما أبلاه ، وعن ماله من أين اكتسبه،وفيما أنفقه،وماذا عمل فيما علم))صدق رسول الله صلى الله علية وسلم






:بعض أضراره




تدمير خلايا المخ.. يسبب الضعف الجنسي ..الزهايمر(النسيان) ..وطبيعى بيأثر على القلب والشرايين والجهاز العصبى والتنفسي (وديه مش كل الاضرار)؟







لازم نتعلم .. لازم نفوق .. ولو مصحيناش فى الوقت المناسب .. هنفكر نتغير لما يكون فات الاوان .. وجه الموت






وزى ما بيقولوا .. خدوا الحكمه من أفواه المجانين





الصحه نعمـه يا عالـــــــــــــــــــــــــــــم




26‏/03‏/2008

ألشــــــذوذ




يرى غالبية الناس الشذوذ على أنه شىء يكسب العار والخزي ..



وتكون نتائجه الاشمئزاز والنفور والتجاهل .. فهنا ما مقصدى بالشذوذ ؟؟ سنعرف الأن .




الشذوذ أو الشاذ : هو أى شىء غريبا يختلف ولو اختلافا طفيفا عن طبيعته او عن الطبيعه



ليس مقصودا بالأخص شيئا يتعلق بالشيميل أو المثليه أو أى شىء يختص بالشذوذ الجنسي.



بل أقصد كل شىء به أختلاف أو خلل عن الطبيعة الاصلية او الاساسية للشىء




فكنت أتحدث مع بعض الاصدقاء بمقتطفات من موضوعات كثيره وبعضا منها كان جوهرة الشذوذ




فقال أحد الاصدقاء : هناك أنماط من البشر تمتلك قدرات خاصة او قدرات خارقة





فرددت علية قائلا : لكن أغلب هؤلاء الناس يفضلون البعد عن الشهرة وألاضواء يريدون أن



يعيشوا حياه طبيعية مثل باقى البشر.. ومن المؤكد أنهم يخشون ويرفضون أيضا معاملة الناس لهم على انهم





شيئا غريبا منفرا أو شىء يخضع للبحث ويبدئون بالبعد عنهم وتجاهلهم والنفور منهم لأنهم بهم قدرات


أو شيئا خارقا للطبيعة أو مختلفا عن طبيعة البشر .



وتكلمنا عن الشذوذ بمقصدة ( الجنسى ) لكنى سأعرض هذا الموضوع منفردا وبعمق أكثر ولعرض أراء كثيره فيه ..




وفى جلسة أخرى مع صديق أخر تكلمنا عن شخص حديث الخروج من السجن فتكلمنا انا وهو عن كم المعاناه التى كابدها فى سجنه



وعن كم المعاناه التى سوف يعانيها بعد خروجه .. وعن المده التى يقضيها منفردا وخجولا .. وغير متأقلم مع بيئتة الاولى




لغيابه عنها لفتره كبيرة نسبيا ..وعن درجه تقبل المجتمع له بعد معرفة حقيقتة .. هذا أيضا نوعا من الشذوذ




اليس له حقا فى العمل والزواج.. وله الحق فى حياه طبيعية هادئه !!




فكان رأيي لماذا يعامل أي غريبا أو شاذا على أنه شيئا مخزيا وننفر منه كأنه طاعونا !!




فمن رأيي بشأن ذلك أن كل فرد خرج من أصلاحية أو سجن أو معتقل أو غيره له الحق فى الحياه




كباقى الناس فكلنا بشر وجميعنا نخطيء والله هو الغفور الرحيم .....




فلا مانع من أن يعمل المذنب ولا مانع أيضا من أن يتخد صاحب العمل تدابيره وأحتياطاته تجاه هذا المذنب




وأن يقدم بأفتراض سوء النوايا لحين أثبات المذنب عكس ذلك فمن يدرى .. ربما يكون قد تعلم بالفعل وأراد أن يعيش




حياه سويه بعيده عن الصخب .. لكن تجاهلنا ونفورنا منه أو من غيره من الممكن أن يكون نتيجه طبيعيه الى رجوعة




لما كان عليه من قبل ..بل أكثر مما كان علية وبتطور أكثر ..




لأن المجتمع رفض توبته.. فذلك ينذر بعودته منتقما من المجتمع بأسره...




ولكنى تذكرت مقوله سمعتها من صديقى العزيز ( س.ع ) تقول : الناس أعداء ما يجهلون




وحقا فأن ما لايعلمه الناس عن شىء معين يصبحون أعداء له دون أعطاء مهلة أو فرصه للفهم..


لابد أن تتفتح عقولنا .. فكل من به شذوذا .. ويكمن داخله بعض النوايا وله قابلية للصلاح والتغيير



فلنتقبله . ونحتضنه . وندعمة .ونرسم معه خطواته للتقدم وللتغيير ..



لا أن نشعره بعدم وجود مكان له فى هذا العالم ..او ننعته بأنه عارا.. أو ملعونا .. !!!!




ربما بعد رفضنا له يقوم بالبحث عن مكان يخرج فيه رغباته والتى لم يسمح له مجتمعه بها سواء من ناحيه



أشباعها أو تغييرها .. وبعدما كان متوفرا لدية خجلا مما يفعلة .. أنعدمت لديه كل المعايير وأصبح لايخجل ولا يخاف شئيا !



فبهذا نجعلة خطرا كبيرا على نفسة وعلى المجتمع بأكمله ؟؟؟؟




فلماذا نضع قيودا ونعرقل من يريد التغيير .. فما الشذوذ الا مرضا أو خللا أما نفسيا أو عضويا ..




فهل يكون المرض عيبا؟؟؟



فلماذا لانسهل ونقرب علاجه .. هل نتركه فريسه لأنياب الموت أو لأى نفس غير سوية تشجعة على ما يفعلة



أو لأن يصبح وحشا وترياقة فى أيدينا ؟؟؟




نحن مجتمعا أسلاميا .. وشرقيا نهدف الى أصلاح نفوسنا ومجتمعنا من الاخطاء.. والارتقاء به الى أعلى المراتب



(برغم أننا لدينا معظم العراقيل ) لايهم أن نصبح كالدول العظمى .. لكن الاهم أن نكون راضيين عن أنفسنا ..



لانود ونرفض بشده أن نكون بلدا أو مجتمعا علمانيا .. لكن نريد أن نتخلص من الافكار والعادات الخاطئة ليس أكثر ..





أتمنى أن ندرك المعانى والفروق جيدا .. وأن نأخذ أبعاد اى موضوع بجدية وبرؤيه أعمق قبل الحكم عليه





فهذا ما يسهم فى علاجه وتلاشيه شيئا ... فشيئا .. ولو أستمر حال أفكارنا على هذ المنوال















...لصرنا منبعا للشذوذ...








.. تمت..

24‏/03‏/2008

يا صديقى أسئلك الرحيل ( قصيده)




جاءت لحظة الفراق .. فى قلبى وعقلى أتفاق .. وساد صمت طويل




كم كان قاسيا وداعك.. ستشتاق أذنى لصوتك ولسماعك..




لكن فراقك لا أجد له بد ولا سبيل




فعندما تكون وحيدا ستغرورق عيناك بالدموع..



فتذكرنى بوحدتك ليلا وفى وقت الاصيل




عد بذكراك الى الوراء .. سترى صداقتنا فى عنان السماء


محفور بها فراقنا مستحيل


ولا تحزن ففى رحيلك شرف وأعتزاز..



فأنك تجاه وطنك تقوم بعمل جليل




وستمضى فى أنشغالك لكن ..لاتنسانى




فقلبى من دونك أسير للوحدة ..ولحزنه ذليل




ولبرهه أنسى ثم أعود لأذكر فينتابنى الحزن..





فعندما أفكر بك أتذكر رحيلك فأنه على قلبى عبء ثقيل




وكم أتوق للبوح بأسرارى وألامي..




فلا أجدك فيسكن فى نفسى صمت مرير..




وكثيرا فى غيابك أنادى عليك ..


فيعود صداء صوتى الى حزين هزيل..



فأن كنت سترحل .. فأرحل يا صديقى



أن كان هذا فى صالحك ولكنى لا أرضى عنك بديل..


ولازال كل شىء ينتظرك.. ليعود شملنا معا



وتحقق حلمك بالأمس الجميل ..




فأنى أنتظر عودتك بكل حب وأشتياق




وأن لم القاك فأنى من حياتى مستقيل ..




فأكتب اليك بعد الوادع



فقد كنت لى خير صديق وأجمل خليل..



فيا صديقى أسئلك الرحيل من أحزانك



فأنى أحبك فى الله .. وعلى حبى هذا




أكبر دليل






أهداء الى صديقى العزيز / أحمد المناديلى





22‏/03‏/2008

المولد النبوى الشريف

لو كنت معدى فى أى شارع . عمرك ما هتحس بفرحة وجو الاحتفال بالمولد النبوى الشريف




( صلى الله علية وسلم ) لأن أكتر مكان ممكن تحس فية بالجو دة هو المناطق الشعبيه فى أى مكان وفى أى محافظة




تلاقى صوان منصوب فيه أشكال حلاوه المولد وأشهرها ومحلات فيها من كل نوع ومن كل صنف من اغلاها




لأرخصها .. عشان الغنى والفقير يدوقوا ويحسوا .. لأنه يوم ميخصش فقير ولا غنى




وطبعا مع تطور الزمن ظهر تطور فى صناعة حلاوة المولد النبوى ( صلى الله علية وسلم )




تشوف العروسة الى من الحلاوه من كل حجم ولون ..ومزوقينها بفستان فرح بأبهج الالوان وأحلى أبتكارات وتصاميم




وبردة من أشهر أشكال الحلوى الفارس الى ماسك سيف وراكب على حصان..




وطبعا دية من أكتر الحاجات الى بتحب الاطفال تشتريها وتلعب بيها




تسمع الابتهالات فى مدح النبى( علية الصلاه والسلام ) والتواشيح والقرأن .. جو يشبه جو رمضان




فى الاحياء الشعبيه زى الحسين .. والسيده زينب . وغيرهم من باقى الاحياء العريقة




غير انه بيتعمل مراجيح للأطفال والعاب ..وشيوخ بتقرا قرأن وابتهالات حاجات كدة زى الى فى فيلم شىء من الخوف




للفنان محمود مرسى والفنانه شادية .. عتريس وفؤاده وهما فى المولد ههههههههه




( صحيح كل دة زيادة شوية وكل حاجة بنفهمها غلط ) لكن خلى الشعب يعيش




بس بجد بعشق الجو الشعبى فى المناسبات .. رمضان. المولد النبوى. وعيد الفطر. والاضحى ..




وبصراحة لقيت فتاوى وكلام عن الاحتفال بالمولد النبوى الشريف وتحريم الحلوى والاكل والاحتفال نفسة




وطبعا أحنا عارفين انها بدعة لكن أحنا مش واخدينها بالمحمل دة .. شعبنا بسيط ومابيصدق يفرح .




قولولى بقى أكلتوا كام حتة حلاوة ؟؟؟ هههههههههههههههههههه




بالهنا والشفا




وفى النهاية لازم نستفيد باليوم دة ونقول:




اللهم صلى وسلم وبارك على سيدنا محمد وعلى اله وصحبه أجمعين الى يوم الدين




وقال رسول الله (صلى الله علية وسلم ): من صلى علي صلاه صلى الله عليه بها عشره




وقال نبينا الكريم محمد (صلوات الله وسلامة علية ): من صلى علي أدركته شفاعتى




وسئل أحد الصحابة النبى الكريم : من البخيل ؟؟ فقال لهم: البخيل من سمع أسمى ولم يصلى علي




اللهم صلى على محمد وعلى أل محمد كما صليت على أبراهيم وعلى أل أبراهيم..




وبارك على محمد وعلى أل محمد كما باركت على أبراهيم وعلى أل أبراهيم ..




جعله الله وأعاده علينا وعلى الأمه الاسلامية بالخير واليمن والبركات




وكل عام وأنتم بخير




حيـــــــــــــــران






حيــــــــــــــــران





مش عارف لية من فترة حاسس بالحزن والحيره. بيدور جوا عقلى أفكار كتيرة . وبتتزاحم وفى الأخر


بوصل لنفس النتيجه.. .


أول فكرة أنى كنت عايز أشتغل وفضلت الفكره مسيطره عليا فترات طويلة قوى .. وأدينى بدأت كام خطوة أنى أشتغل .


لكن برضة مخى مبطلش تفكير وأفكارى مسابتنيش..



بتنتابنى حاله من الحزن عشان حاسس قوى بالوحده .رغم وجود ناس قريبين منى .صحيح ساعات بحس أن محدش فاهمنى .



لكن كتير بيزول أحساسى بعدم فهم الى حواليا ليا ..








قعدت أفكر.. أية سبب الوحده والعجز دول ؟؟؟؟

فكرت كتير. .وكتير انا لية خلقى ضيق.. علطول مخنوق
..دايما حزين .. وعقلى يقلى. يمكن.و يمكن .ويمكن



ويطرح مليون سؤال؟؟



لكن الحيرة بترجعلى ومش بلاقى أجابة !!



وفى يوم عرفت انا لية حاسس بكل دة



حاسه انا مفتقدها .. أهم حاسه فى حياتى ..
ضلع ناقـــــص من أولوياتى
أنا ناقصنى الحب؟؟؟؟؟؟؟؟


ياااااااااااااااااااااااااه .. نفسى حد يحس بيا وانا زعلان وحزين يطبطب عليا



حد ساعة فرحى يفرحلى ويفرح معايا .. حد يفهمنى من غير ما أتكلم



يحس بيا من غير ما أبين.. حد يقبلنى بكل طباعى



حد لحظة الوحده يسئل عنى .. ساعة جرحى يخفف ألمى



حد يهتم بيا .. حد أكون له انا كل شىء


ينصحنى لو فكرت أغلط .. ويزعل منى أن عملته



يكون حدى .. يملك قلبى .. ويسلب أفكارى ناحيتة مافكرش غير فية .. محسش مرة بوحدتى ولا بوحدته



يضمنى وأبكى فى حضنه .. يمسح دموعى بمواساته و صبرة

حاسس بحاله من العجز والحزن اول مرة أحسهم بالدرجة دية

20‏/03‏/2008

البداية

السلام عليكم ورحمة الله وبركاته


والصلاه والسلام على أشرف الخلق اجمعين

سيدنا محمد وعلى اله وأصحابة أجمعين

من النهارده هنتكلم و نطرح موضوعاتنا

وهنتناقش ونتكلم بكل صراحة وجرائة ووضوح

ونناقش كل حاله هتكون موجودة معانا


أتمنى أننا نتجاوب مع بعض


وأنى أكون ضيف خفيف على قلوبكم



z!zoOoO





تســـــــــــــــــــــــــــاؤل

لما بنشوف اى حاله .. حاله أنسان .. حاله شىء

سواء ظروف أو محنة .. أو أى شىء يخص الحاله دية

هل بنحس بية .. هل بنتعامل معاها على أن الحاله حالتنا

مش مجرد حاله بتمر علينا وخلاص...

ولا بنحس بمجرد التعاطف أو على حسب الشعور الى بينتابنا بحسب الموقف

يعنى أعجاب . غضب . حزن . يصعب عليك او تتعاطف معاه

طيب هل بنحس بيه بصدق ؟؟

هل بنعتبر الحاله دية حاله مهمة تستحق أننا ننتبه ليها ...

هل بنقول أن دة أنسان.. مشاعر أحاسيس يستحق حد يكلمة يوجهه ينتبة لية

يستحق التعب والمعاناه فى نصحة .. لانه ملقيش حد ينصحة

ملقيش حد يفهمة .. حالته بدل ما كانت بسيطه. بالتجاهل كبرت قوى وزادت عن معدلاتها

هل بنحاول نهتم .. ولا مش أكتر من .. والله صعبان عليا !!!!!!!!

ودية البداية ...

.. لازم تتعامل مع حاله غيرك بكل جدية عشان غيرك يحس بمعاناتك ويتعامل معاها بجدية


والاهم تحس بجد بيه مش مجرد كلام والسلام