خبريني يا من بالظلم مقهوره يا نفسي
لما أنتي دوما حزينه مستنهضه لدموعي ويأسي
وكيف أسئلك وأنتي مني ..وأنتي يومي وحاضري وأمسي
وكثيرا ما أناجيكي سائلا ولا تجيبي
هل أنتقم شاهرا سيفي ؟؟
أم أجتهد وأسعي علي كتفي فأسي ؟؟
فحين أضحك أجد دموعي.. للحزن سباقه وللبوح مشتاقه
وفي بكائي أجد الدمع.. قد إمتلأ منه كأسي
فأحاول الهروب .. ولكن أين الهروب ومن حولي منبع بؤسي
فتأخذني اللامبالاه وأشعر أني.. قد بعت الدنيا وزهدت فيها
وفي لحظه شرودي وتصارع أفكاري أسمع نداء.. من داخل قلبي وهمسي
فيقول صوت يدوي في أذني فيداوي روحي ..لا تيأسي من رحمه الله
لا ييأس إلا الكافرون
قم وتوضأ وصلي لربك وإقرأ من القرأن.. ما يداوي قلبك وللكرب ينسي
فوجدت الطريق ووسع صدري بعد الضيق ..فقلت حمدا لله علي نعمه الاسلام
لا أقول أني لا اشعر بالضيق ولكن لن أحزن.. فالله معي فدوما أشكره علي نعمه وأحصي
وسوف أقول دوما يارب وفقني دوما لما تحب وترضي ..فأكمل بالإيمان ما في من نقصي
فليس لي غيرك .. ولن أرجو غيرك .. ولا تحوجني لغيرك .. فهون عليا الدنيا
وقوم روحي ونفسي
.........................
ديه خاطره مناجاه كنت كاتبها من فتره كده بالظبط يوم 24/7/2008
وده طبعا نظرا لحاله الركود الراهنه
عايز اقولكم علي حاجتين الاولي تهنئه والتانيه تنويه
التنويه : من الفتره الي جايه هيكون مكاني صديقي سامح هينزل موضوعات من فكره هو
وديه فرصه عشان يتشجع يكتب عشان مطلع عيني , ياريت يا جماعه يكون فيه تفاعل
وتفضلوا تتفضلوا وتشرفوني وتناقشوه في موضوعاته
وياريت يا جماعه يكون فيه تفاعل لأنه إحتمال قريب ينضم لجموع المدونين
ياريت تشجعوه
ياريت قبل حتي ما تردوا علي البوست تقولولي رأيكم وشكل تفاعلكم مع التنويه ده
ده ضروري يا جماعه
التهنئه : للدكتور/ أحــمــد خــالــد تــوفـيق
بمناسبه عيد ميلاده الي كان يوم 10 يونيو
بجد انا أكتشفت إن الراجل ده ليه جماهيريه عاليه قوي وناس كتير قوي بتحبه
وهو فعلا يستحق أكتر من كده
بجد فعلا من أعذب وأسخر وأطرف وأقوي وأرعب وأجمل واروع الاقلام
الموجوده في الساحه الكتابيه والقصصيه
ده غير تميزه في أدب الرعب .. بجد بعشق كتاباته لدرجه إن انا واصحابي
بنردد بعض الجمل التي لا تنسي من رواياته مثل :
فى فى فو فام...بلا قافية
أشم دماء رجل انجليزى..سواء كان حيًا أو ميتًا، فلسوف أحمّص عظامه لأصنع خبزى
هؤلاء الناس الوحيدون ..من أين يأتون.. وإلي أين يذهبون
ابيض ابيض هو لون ثيابه .. ابيض هو لون أدواته
لهذا أحب اللون الأبيض
لأن حبيبي خباز
و
للأبد
ماذا ؟؟
هل ستظل تحبني للأبد
وحتي تحترق النجوم وحتي ...
و
المقوله الشهيره لــ لوسيفر
إني بكم أسعد .. ولكم قلبي يطرب
وحاجات تاني بس الواحد مخه فوت
بجد وبقولك من كل قلبي يا دكتور احمد إنت بجد كنت مربي فاضل
ايوه مربي فاضل ربيت اجيال كتير علي كتاباتك الرائعه
بقولك كل سنه وانت مبدع .. كل سنه وانت معانا .. كل سنه وإحنا بنقرالك
وكل سنه وإنت في وسطنا .. وكل سنه وإنت بتعلمنا ..
ودايما تفضل رمز من رموز الادب والكلمه
ورغم إني زعلان علي رغبتك في إنهائك لسلسله " ما وراء الطبيعه " إلا إني
بحترم قرارك الي يستحق الاحترام منعا للإسفاف وده بيدفع لإحترامي لشخصك
وبجد انا كنت مبسوط جدا لما شرفتنا في اسيوط وكان رأيك فيها كده
وكنت مبسوط أكتر بإستقبال الناس ليك بكل الحب والتقدير ده
وكنت حزين جدا لأني مقدرتش احضر الندوه واعرف حضرتك عن قرب
لكن أكيد هنستني من حضرتك زياره تانيه إن شاء الله
كل سنه وانت طيب وعقبال مليون سنه يا دكتور
وطبعا في النهايه احب اقولك إنك عمرك ما هتتنسي
وكتاباتك وروحك الجميله الساخره هتفضل جوانا
ورواياتك هتفضل عايشه معانا وهتفضل دايما في قلوبنا
العجوز رفعت اسماعيل
هناك 36 تعليقًا:
السلام عليكم ورحمة الله وبركاته
ازيك يازيزو انا اول ما بقرا البوست قولت ربنا يستر ليه الحزن ده كنت هقولك احنا الحزن بقى فى كل خلية جوانا زى الادمان اتشبعنا منه وصعب نخصل من الادمان ده بسرعة
كلماتها حلوة والاحلى نهايتها فعلا الحمد لله على نعمة الاسلام اكيد كلنا بنحزن بس دايما بنرجع تانى لربنا وندعوه انه يبعد عننا اى كرب او حزن
فى انتظار ان شاء الله صديقك وكتاباته باذن الله ومش محتاج توصية طبعاااااا
بخصوص عيد ميلاد احمد خالد توفيق بصراحة انا مقرتش ليه اى حاجة قبل كده بس انا لقيت ليه شعبية فعلا الايام دى علشان عيد ميلاده اللى خلانى ادور على كتابته علشان اقراها وكل سنة وهو طيب
هو انا كتبت الاسم صح ولا غلط احمد خالد فؤاد ولا كتابته غلط والله انا شاكة انى كتبته غلط معلش انا حاسه انى تايهة اوى النهاردة :(
السلام عليكم ورحمة الله وبركاته
الحزن والضيق دول الظاهر انهم بقوا لازمه وصفة من صفاتنا لكن فعلا اول ما بتتوضا ونقف نستقبل القبلة ونقول الله اكبر خلاص هنا الامان والراحة هنا تصغر يا بنى ادم وتحس بعظمة ربك اكتر واكتر ولو فعلا كلنا استحضرنا العظمة دى فى ذهننا طول الوقت هنحس بصغر وضعف وهيافة مشاكلنا ربنا يقبلنا جميعا ويجلى نفوسنا وصدورنا
مادامك اعطيت لصديقك مساحة عندك يبقى للدرجة دى واثق فيه يبقى يستحق الثقة لاننا نثق فى كتاباتك وفقك الله اخى واعزك واكرمك
السلام عليكم ورحمة
الله تعالى وبركاته
ايه كل ده يازيزو
طيب نرد على ايه
ولاايه؟
اولا انت سايب المدونة
وحتروح على فين؟
ثانيا اهلا بصديقك وبأذن
الله يكون زيك ونتفاعل معه :)
ثالثاً:خاطرتك !طبعاً انت عارف
جميلة اوى اوى وحزينة اوى اوى
رابعاً:كل سنة والاستاذ احمد خالد توفيق بخير وسعادة مش هو بس لكن كل
انسان بمعنى كلمةانسان فى زماننا الصعب ده!
رابعاً:امممممممم هو فيه لسه حاجة انا
مارديتش اوسألتش عليها؟على العموم
لو كان فيه فأسمحى لى ارجع لما افتكرها
مع السلامة والى اللقاء بأذن الله
يــــــــــــــــــــازيزووو
بسم الله الرحمن الرحيم
السلام عليكم ورحمة الله وبركاته
صديقى العزيز
زيزو
تحياتى
خاطره جميلة على الرغم ممابها من شجون
والحمد لله على نعمة الاسلام وكفى بها نعمة
.........
ياسيدى صاحبك ييجى ينور على عينا وعلى راسنا من فوق
بس خلى بالك بقى انت وهو لو كان بيكتب وحش انا هقوله على طول
مافيش مجاملات ايووووووة علشان نبقى متفقين
بس هو سيادتك هتروح فين ؟؟؟
..........
وبخصوص الاستاذ احمد خالد توفيق
كل سنه وهو طيب ياعم
زماااااااااان كنت بقرا ماوراء الطبيعه
بس ده كان زمااان قوووى يعنى
بس الرعب اللى فيها ماكنش بيشدنى قوى تحس كده انه رعب مش بيخوف قووى
كنت بميل اكتر لرجل المستحيل وملف المستقبل بتوع د/نبيل فاروق
هههههههههههههه
بس ده كان لعب عيال
وربنا تاب علينا منه
ههههههههههههههه
(هو رقم التليفون ماوصلكش ولا ايه؟)
تقبل مرورى وتحياتى
ودمت بكل خير وود
والسلام عليكم ورحمة الله وبركاته
تسلم إيدك
كلام جميل
وبالنسبة لأحمد خالد توفيق فأنا متفق معاك إلي حد كبير
البةست مؤثر وكلماته لمستنى جدا الصراحة
خاصة فى الفترة الا احنا فيها والزمن الصعب الى الواحد بيعيشوة
بس فعلا الحمد لله على نعمة الاسلام ونعم تانية كتير احنا عايشين فيها
وفى انتظار كتابات صديقك
وتقبلنى زائرة جديدة للمدونة
جوزيت خيرا
البوست مؤثر وكلماته لمستنى جدا الصراحة
خاصة فى الفترة الا احنا فيها والزمن الصعب الى الواحد بيعيشوة
بس فعلا الحمد لله على نعمة الاسلام ونعم تانية كتير احنا عايشين فيها
وفى انتظار كتابات صديقك
وتقبلنى زائرة جديدة للمدونة
جوزيت خيرا
القصيدة جمييله بجد
وكويس انها من زمان :)
اما بالنسبه لل د/ احمد خالد توفقيق
ففعلا كل كتاباته اكتر من رائعة
بس مش للدرجة اني احفظ الجمل :)ههههه
اصلي بنسي بسرعه
دمت بألف خيررر
تحياتي ,,,
خاطره جميله يا زيزو
تسلم ايدك
أحمد خالد توفيق مبدع بدون شك كتاباته تعطيك الإلهام والرغبه لتقرا المزيد
أنا ايضا للأسف فاتني حضور ندوته بسبب إمتحان اعمال سنه للأسف
تقبلي مروري وتحياتي دائما
الخاطرة جميلة قوي وفيها امل جميل
وفي انتظار كتابات صديقك وان شاء الله ينضم لمجتمع المدونين
تحياتي
السلام عليكم
المناجاة ممتازة جدا وعجباني أوي بالرغم من حزنها الشديد
ربنا يوفق صديقيك سامح ويكتب حاجات ممتازة ويدون هو الاخر
وكل سنة ود/ احمد بخير
تقبل مروري
جميلة هى تلك الخاطرة
===
ليه صاحبك مايعملش مدونة خاصة بيه ويكتب فيها اللى هو عايزه؟
===
جميل شعورك لكاتبى المفضل بالرغم من عدم حفظى للجمل المشهورة فى رواياته:)
و نعمة بالله
كل سنة و دكتور احمد بخير
انا بحيله يوتوبيا
و حضرتله ندوته مع نبيل فاروق
في معرض الكتاب
الاتنين بسم الله ما شاء الله
شخصيات ثقافية من العيار الثقيل
ربنا يحميهم
السلام عليكم
ربما عندما علقت
علقت علي هذا الرجل الذي أحبه حقا
تكريما و احتراما له
بجد يا زيزو مدونتك رائعة
و خاطرتك جميلة و مليئة بالاحاسيس
علي الرغم من الحزن الذي يتخللها
بشكر زيارتك ليا
و ربنا يديم الاتصال
تجميل القبح
اقتصر دورنا على تجميل القبح وليس تغييره
ولنا ابداعات بديعة فى تسويق القبح وتسيره
اما الجمال فشجره مال وكعب داير تم تدويره
برجال بقوة الافيال وعقل البغال تم تــصـد يره
و بقية الخيال الخالى من الاستهبال يتم تحويره
ليصب فى خانة قبح تقبح وبالحسن يتم
الله عليك
كل شئ جميل هنا
الحزن موجود فينا في انفاسنا
يسكننا لكنه ابدا لن يعيش فينا
كل عام والدكتور بخير
ونحن في انتظار صديقك
استمر
السلام عليكم و رحمة الله و بركاته
ا / زيزو
ما شاء الله احساس جميل
حلوة الخاطرة و معانيها رائعة
مع ان دى أول زيارة بس برده هرحب بالأستاذ سامح
و عجبنى أوى لمسة الوفاء لمن تتعلم منهم ( ا / أحمد خالد) برغم انك لم تره
بارك الله فيك
تقبل تحياتى
هذه مناجاة جميلة ورائقة
اما بخصوص فأهلا به ولفتة جميلة منك ان تترك له مكانك ولكن حاول ألا تتطيل فترةالركود هذه
اول ما قراءت كلامك قلت ايه اللى حصله ده كان كويس وماشى تمام وبجد زعلت اوى منك لكنك فاجئتنى انها قديمة قلت الحمد لله بس يا خوفى لتكون مش قديمة وتسقينا حزين بعد كده
الله ينور عليك جميل اوى لامة نمزج خواطرانا بوجود ربنا فيها لانها هو من اهابنا تلك الموهبة
اما بالنسبة لسامح فانت كل اللى عليك انك تعرفنا مكانه وسيب الباقى علينا انت مش واخد بالك ولا ايه انت وراك رجالة
دعني اقل لك شيئا......طريق التفاؤل ليس صعبا....فقط اطرح عنك هذا الحزن وكن على يقين أن الله قدر لك الخير في كل شيئ...
...
وفي انتظار إبداعات صديقك..
تحياتي..
أهلاً بسامح يا سيدي
و د / أحمد خالد توفيق أنا بأعشق كتاباته
سواء
ما وراء الطبيعة أو فانتازيا أو سافاري
كل سنة و هو طيب
و ما تغيبش انت علينا
خاطرة جميلة جدا .. حاسس انك ما كنتش تعرف آخرها وإنت بتكتب أولها عشان كده جميلة وتلقائية :)
بخصوص صديقك سامح اكيد احنا اشتقنا كده ان احنا نقرأ له بس أهم حاجة انك إنت كمان ما توقفش كتابة :)
الأعز زيزو : وحشتني جدا وربنا عالم اللي ف القلوب .. اسمحلي أحسدك على النشاط الملحوظ جدا في الفتره الأخيره والمواضيع السخنه أوي اللي لسعت صوابعي وأنا بقرأها ومبسوطه مووووووووووووووت إنك قدمت تهنئة لدكتور أحمد خالد وأنت عارف إني بحبه جدا جدا ..وأسمحلي أحسدك كمان على تفاعل الزوار معاك واللهم كتر من زوراك ومناقشتك معاهم .. كالعاده قريت المواضيع كلها لحد أخر ما وقفت وعارفه إنك مسامحني .. بجد برافووووو وفعلا بتمنى إن حالة الكتابه دي تستمر .
الخاطره جميله جدا قد ترقى لمستوى الشعر الموزون والمقفى وأهم حاجه احساسها وكالعاده رغاي أوي ف مواضيعك ومصدعني ( إيموشن مطلع لسانه ومحول )
ميرسي على تنويهك لسرقتنا الجميله بس أظنك فاكر أخر مره أتناقشنا فيها وقلتلك ياللا خليهم يقبلو على نفسهم ويصرفوهم ع الحكما إلى أخر هذا الهراء:p
والله ليك واحشه أتمنى متكنش زعلان مني وأديني أتطمنت عليك وعلى المدونه كمان
أشوفك بخير وإلى الأمام يا زأزأ
أختك طبعا اللي أنت عارفها كويس
المناجاة جميلة جدا
وكذا اهتمامك بد احمد خالد واخباره
هو بالفعل صاحب قلم يستحق التحية
تحياتي
الحمد لله اللي وفقك للحق في هذه المناجاة ,
فعلا ربنا هو الملجأ لنا جميعا ,
لكن أحيانا الواحد بيبقى مادي زيادة فمش بيقدر ينفذ الكلام ده ,
لكن فعلا اللجوء إلى الله هو الحل ,
----------------
فينك يا عمنا :) ؟؟
و ليه بس هتغيب تاني ؟؟
إن شاء الله ترجع انت و صاحبك تضيفوا المواضيع ,
و أهو كله بثوابه :)
Blogger z!zOoOo يقول...
السلام عليكم
ايه حكايه المدونه ديه
ياريت حد يفهمني
تحياتي
02 يونيو, 2009 04:09 م
----------------
هذا تعليقك في مدونة اسيوط بلدي والمخطط لها ان تكون ناطقة باسم اتحاد مدوني اسيوط ولما كان مدوني اسيوط يتمترس كل واحد منهم خلف مدونته وحسب أصاب الشلل هذه المدونة ولم يكتب فيها سوي المقال الافتتاحية الذي كتبته انا علي امل تفعيل الاتحادوهذه صورة من صور السلبية التي يعيشها الشعب المصري ونسعي للفت الانظار اليها في مدونة مواطنون ضد الشعب.
الاخ/z!zOoOo
اولا انا شاكر سؤالك عن ابنتي والدعاء لها وربنا يجعله في ميزان حسناتك.
ثانيا انا تعبت كثيرا في محاولت ايجاد اتحاد لمدوني اسيوط وكنت انت اح الذين خاطبتهم ولو تذكر اننا عندما انشئت هذه المدونه ليس لي ولكن لتكون نموذج قابل للتعديل لانها سوف تكون باسم الاتحاد وانا كنت قادر علي ان اكتب فيها ولكن ليس هذا هدفي.
ارجع الي تعليقك في مدونة اسيوط بلدي تجده بلهجة من لم اخاطبه في امر الاتحاد وعد الي موضوعاتك القديمة ستجد دعوتي لك واخذ رايك والاخرين في هذا الامر فهذه ياخي ليست مدونتي ولكن قل اقتراحك بشكل المدونة .
اذا كانت ظروفك لا تسمح فلك عذرك ولكن هل كل مدوني اسيوط لا تسمح ظروفهم لقد كتبت انت اكثر من ثلاثين سطر لتناقشني واقل منهم يمكن ان يلقوا الضوء علي احد مشاكلنا في اسيوط.
الامر لا يؤخذ بهذه الحساسية نعم نحن جميعا كمصريين وانا منهم عندنا قدر كبير من السلبية.
كيف استطاعت مجموهة اسيوط كلها علي الفيس بوك ان تقدم متابعاتها الرائعة لانهم تحمسوا للعمل لكن كل الذين ابدوا موافقاتهم علي اتحاد مدوني اسيوط لم يقدموا مثل ما قدمت تلك المجموعة.
لماذا تاخذ النقد كما لو كان موجها لك فقط النقد موجه للجميع وليس انت فقط واذا كان اي واحد غير مقتنع بالفكرة فلا يجب ان يجامل بالموافقة فالاخ فارس صاحب مدونة قومي عربي ابدي اعتراضه علي الفكرة ورفض المشاركة وكذلك مدونة اسيوط.
ما هو فكرك الذي لم احترمه انا قلت ان كل واحد متمترس خلف مدونتة ..الخ ما علاقة هذا بفكرك انا لم اناقش فكرك او ايديولوجيتك ولكن ناقشت تعليقك الذي يوحي باني لم ادعوك او اخذ رايك في ان تكون عضو في الاتحاد تحت التأسيس.
وبعدين ايه الكلام الكبير ده(
وياريت للمره المليون نعرف الظروف المحيطه بأي شيء قبل ما نرميه بالباطل او نحكم عليه حكم أعشي)وكأنك قلبتها حرب هذا ليس نقاش او عتاب .
وكما كلام تاني(وم ظروفي انا بس في غيري كتير من الي انت وصفتهم بالسلبيه وانت ماتعرفش ظروفهم مشغولين في شغلهم جدا ومش فاضيين لمدوناتهم برضه عشان يفضوا لمدونتك) .انت نسيت كل حاجه فانا راسلت من ابدوا موافقتهم علي فكرة الاتحاد لكي يطلعوا علي نموذج مدونة الاتحاد ولاحظ انا توقيع البوست باسم مواطن اسيوطي وليس باسمي.
اخي العزيز
لقد عملت من الحبه قبه وكنت ارغب في عدم الرد ولكن خشيت ان تفهم الرسالة خطأ فرددت لأوضح .
وانا ما زلت مختلف معك في الراي ولكن اختلاف الراي لا يفسد لنا في الود قضية
تحياتي
زيزو
الأربعاء1-7 يذاع تعليقك على شخصيات على النت يجب تجنبهافى برنامجناطبعا التاسعه وعشر دقائق صباحا على اذاعة البرنامح العام او من رابط تخت الساعه فى موقعنا
http://stop.to/cairo
ونحب نشوفك فى مدونتنا
http://netonradio.blogspot.com
الجميل زيزو
الخاطرة تنبع منها احاسيس سلسبيلية. لكن اعذرني لا انافق اصدقائي، لذلك اقول لك لغتنا العربية ثرية غنية، لو توظف0.0000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000001 من معجمها تكون رهيب جدا. ليس امام اخوتك في اسيوط او في مصر فحسب بل في العالم العربي..
هذا مجرد راي
لكنه يقودني الى ان اقاسمك حب الرائع أحمد خالد توفيق الذي قرأت واقرا جل ما يصل المغرب من قصصه المثيرة وشهد له بالحنكة والمهارة في تغيير عوالمه وازالة الرتابة واستثماره لثقافة واسعة متجددة.. هو انسان يقرأ قبل ان يكتب وذلك سر تألقه.
سأطلب منك شيئا عزيزي زيزو أرجو ان تبلغه سلامي في حالة لقيته، وقل له حزب أحمد خالد توفيق في المغرب يفتقد رواياتك..
العزيز زيزو سأكون هنا بين الفينة والأخرى..وصديقك صديقي
مودتي الفائقة
زيزو
اول زيارة و يارب ما تكون الاخيرة
سيدي الامل هو اللي يمنحنا القوة في اننا نستمر و نواجه كابة الدنيا و مشاكلها
الامل هو اللي يمنح لنا فرصة للعطاء و اننا نكمل المشوار بالرغم من قسوة الظروف
مودتي المتواصلة
و دعوة للتواصل مع مدونتي
السلام عليكم ورحمة الله وبركاته
مع انى مش بحب الحزن الشديد اللى واضح فى الخاطره الاولى
بس مش قادره اقولك هى عجبتنى ازاى
وبالذات لما بتكون الكلام مكتوب من جوه القلب بيوصل بسرعه للقلب
بيوصل وبيخلى الناس بتحس بمعنى كل كلمه مكتوبه
وممكن كمان من كتر احساسى بالكلام حسيت انا اللى بقوله من جوايا
وفى انتظار صديقك ان شاء الله ....بالتوفيق يارب
السلام عليكم
اين انت يازيزو؟
انت غير موجووووود
ولم يأتى صديقك كما وعدت!
ارجو ان تكون انت وصديقك بألف خير
اولا الكلمات صعبة اوى , ايه كل كمية الحزن والاسى دووول ؟
بس فعلا عرفت توصلهالنا جدا بكلمانك
ثانيا : مرحبا بصديقك وإن شاء الله هيرتاح ف التدوين وهيكلبش فيه زينا كدة
كل سنة والاستاذ احمد خالد توفيق بخير
حبيب قلبى زيزو باشا
السلام عليكم ورحمة الله وبركاته
كم هى جميلة هذه الكلمات الفلسفية
من إبداع لإبداع
آسف على التقصير والغياب
تقبل مرورى
تحياتى
غيابك طول وحتى صاحبك مش منزل اى بوستات نطمن بيها عليك يارب تكون بخير دايما وترجع بسرعة
إرسال تعليق