01‏/05‏/2010

في انتظار الثغرة


نبتدي منين الحكايه

في الفتره الأخيرة بقيت احس اني غاوي اختلاف في كل المناقشات
بقيت احس ده في معظم تصرفاتي مع كل الناس اللي حواليا
مش عارف ليه اثناءالحوار دايما بدورعلي ثغرة ممكن من خلالها اشكك في وجهة نظراللي بيكلمني
وعلي الرغم من احساسي ده الا اني في نفس ذات الوقت عندي احساس اني صح
وهجيبلكم بعض الحجات اللي علقت معايا
عندك مثلا

في مناقشه بين اصحابي مجموعه منهم مع الحكومه وشايفه الدنيا حلوه وزبادي ف الخلاط واننا والحمد لله عايشين احسن من غيرنا كتيرودول طبعا بيعترضوا علي السفر وبيقولوا ( ان عويل بلاده عويل بلاد الناس )
ومجموعه تا
نيه بتقول ان الدنيا ضلمه والبلد من سئ لأسوأ

طبعا كنت مختلف مع الكل وقلت بلاش الكلام الم
رسل عشان مصر فيها حجات حلوه زي الدعم في التموين واشتراكات السكه الحديد والعيش والتأمين الصحي ونفقة الدولة وطبعا ده عجب اصحاب الرأي الاول ولقيت اصحاب الرأي التاني بيقولولي عيش ايه دا عيش بمسامير ميتاكلش , اللي موفرين لنا الدعم مبياكلوش منه وسكك حديد ايه شوف عربية القطر الواحده بيبقي جواها مليون والناس زي الطماطم في الصلصه والتأمين الصحي ونفقة الدولة مفيهمش الادوية الغالية والرعاية الصحية زي الزفت .

لقيتني باخد منهم طرف الحوار واختلفت مع المجموعه الاولي وقلت فعلا البلد زحمه وتخنق والتعليم المجاني مبقاش مجاني وازاي يطلع مبدعين في فصل جواه سبعين والشغل ازاي في وجود الواسطه والرشاوي ولقيتني اتفتحت في سيل من المشاكل مع اني اصلا مبحبش اتكلم في المشاكل معدومة الحل زي دي .

وكمان مشكلة تانيه بتاعة المعاكسات والتحرش ومين السبب فيها
ناس تقول ان البنات لبسهم فاضح وهما السب
ب هتلاقي واحد يرد بانفعال انتو ليه ظالمين البنات انا مره شفت بنت منقبه اتعمل فيها كذا وكذا والشباب اصلا مش متربيين ومقضيينها كليبات ونت
يقول الأول وليه البنت متلبسش كويس
وربنا يهديها يقوله التاني وانت ليه متغضش بصرك وربنا يهديك

وهنابقي ييجي دوري وانا قاعد ا
سمع الحوار بدور زي مانتو فاهمين ع الثغره
وابدأ كلامي وانا راسي كده واقول انتوا عارفين المشكله فين
المشكلة ان المجتمع بالكامل عايز يتعالج نفسيا
الشباب وبحثهم عن مبرر للي بيعملوه
من انهم مش قادرين يتجوزوا والبنات بقت مستفزة

هقولهم ربنا بدأ بالرجال فقال تعالي (قل للمؤمنين يغضوا من ابصارهم ..)
والاية اللي بعدها كانت للنساء
( وقل للمؤمنات يغضضن من ابصارهن ...)
وكمان لو مش قادر تتجوز سيدنا محمد محطش حلول تانيه قال (... فمن لم يستطع فعليه بالصوم ...)

بمعني انه محصلش اباحه لاي شيء من الحجات الغلط اللي بتحصل الايام دي

والبنات كمان عليهم دور كبير انا عارف ان البنات بتقول انا حره وربنا هو اللي هيحاسبني
انا متفق معاكي , لكن من باب الامر بالمعروف والنهي عن المنكرعايزك تعرفي انك كده سايبه فريضه ربنا امرك بيها عايزين نر
تقي بالمجتمع وايدينا ف ايدين بعض

ولي الامر سواء كان اب أو أم اوأياً كان مفروض يكون في رقابه بحدود علي الولاد والبنات
ومتابعه للتصرفات وملاحظة الحجات الغريبة ومينفعش ولي أمر يقعد جنب ولاده ويتفرجوا علي مسلسل فاضي او فيلم فاضح و
نتكلم بعد كده علي مشاكل التحرش
وبالشكل ده الاسرة اصبحت
نوعاً ما افضل وبالتالي مجتمع افضل وكيان متكامل افضل

ده كان رأيي طبعا اختلافات بالهبل مع الك
ل واصوات عاليه وانا في انتظار الثغرة وأول لما الاقيها ابدأ بقي في الكلام والقاء النظريات

بس مش دي المشكلة , المشكلة اني وانا معاهم مكنتش مركز في الحوار اد ماكنت مركز مع نفسي انا ليه بختلف معاهم كده انا ليه بدور علي الثغرة اللي في كلام كل اللي بيكلموني

أوقات بزعل من نفسي بحس انها ابداء رأي واعجاب بنفسي اكتر من كونها نصيحه
حاجه تزعل بجد
لكن انا لازلت


في انتظار الثغرة




د / ابراهيم ابوالمجد

..........

اكيد واضح إن الموضوع ده مش بتاعي

ده بتاع دكتور /ابراهيم ابو المجد

اخونا المدون الشهير" ببرقش "

لينك الموضوع

وده إحياء لموضوع من موضوعاته

عشان انا بجد نفسي يرجع

وبزعل لما أي حد كويس بيسيبنا

وللأسف الناس الي مش بنحب وجودها

او الي وجودها بيزعجنا بيفضلوا موجودين

انا طبعا مش قصدي حد معين

بس اقصد اي حد

بيروج لفكره مش مقبوله

او فكره مشوش وغير موجه

وغير مفيد بل مضر

او من الناس الي بتضايق اخوانا المدونين

بالتعليقات اللاذعه او بالتجريح او بالغيبه

انا هعتبر الموضوع ده مجرد عتاب

لدكتورنا الجميل ونداء عشان يرجع

وأتمني يشوف النداء ويرجع

ياريت يا جماعه كل حد يقدر

يدعيله ربنا ييسر اموره

ويرجعه بالسلامه

ويهون عليه المصاعب

والاهم إن الموضوع مهم فعلا

لإني لاحظته في ناس كتير قوي

فعلا بتدور علي أي ثغره في الكلام

عشان تختلف وتنقد

ومرت عليا فتره وكنت كده بس الحمد لله

ملحوظه :معلش يا جماعه إني مش بنزل حاجه

وإني مش بزور حد

بس مشغول شويه وكمان الكي بورد إنتحر

ياريت لو قدرتوا تدعولي دعوه بسيطه

ربنا يهون عليا وعليكم مشاق الدنيا

ويغفر لكم ولي ولوالدي ولجميع المسلمين

والمسلمات الاحياء منهم والاموات

أمين يارب العالمين


هناك 10 تعليقات:

رحلتنا في الحياة يقول...

صحيح كل سنة وانت طيب ياعم زيزو وعقبال 100 سنة فى طاعة الله

رحلتنا في الحياة يقول...

والله افتكرتك انت يازيزو صاحب الموضوع ده
بس عارف بيفكرنى بنفسى وانا بتناقش وباختلف دلوقتى بس هو قال جملة لخصت كل حاجة

المشكلة ان المجتمع بالكامل عايز يتعالج نفسيا كل الناس بتناقض نفسها وبتبحث عن مبررات علشان ترتاح على اراءها وافكارها


اتمنى ان كل اللى بعدوا عن التدوين يرجعوا من تانى واتمنى انت كمان ترجع من تانى تتابع
التدوين شئ جميل جدا وبيعلمك حاجات كتير وبتستفيد من ناس اكتر وحتى لو مختلف معاهم فى الاراء بتتعلم ازاى تعبر عن رايك وتحترم اراء غيرك

Unknown يقول...

ربنا يهون عليه
وعليك وعلينا مصاعب
الدنيا والأخرة.فعلاً صيدلى
برقش كان من الشباب الواعد
ويارب يكون غيابه خير ومجرد إنشغال فى الشغل والحياة.
أما أنت يازيزووو ربنا
يعوض عليك فى كل خسارة
او فقد لشىء أو شخص
تحبه وتعزه.

غير معرف يقول...

كل سنة وانت طيب يازيزووووووووووو وعقبال 6721395 سنة
w.h

mostafa rayan يقول...

ربنا يكرمك يا اخي ويهون عليك ويغفر لك ولى ولوالدك ووالدي وكل موتى المسلمين واحيائهم
انت اللي واحشنى وانا بعتذرلك لو كنت بقالى مدة مش بدخل عندك .. ربنا يهون علينا وعليك
لك كل محبتى وودي يا جميل ودمت بكل خير

اسماء واحلام فى وجدانى يقول...

اسمح لى النهاردة اسلم عليك بس
ويارب تقبل اعتذارى عن غيابى اللى فات ده كله

TIMMY !! يقول...

السلام عليكم
إزيك يا زيزو ,

عامل إيه في المذاكرة و الامتحانات و كل ما هو آت ؟؟ :)

ربنا يوفقك و إيانا ,

بالنسبة للموضوع , أنا بصراحة دماغي ساحت في موضوع النقاشات و الإقناع و الحوار ده من زمان ,
فقررت إني أحتفظ برأيي لنفسي إذا لقيت إن الطرف الآخر مش عاوز يسمع غير نفسه , و لا أتدخل إلا إذا رأيته يحاول أن يقنع طرفا ثالثا بما في رأسه -مما أراه خطأً- ,
بس كده :)

محمد حمدي يقول...

موضوع جميل وانتقاء اجمل

دكـــــتور جدا يقول...

السلام عليكم
نعتذر على التعليق خارج الموضوع
..........
شاركونا بنشر الفن الهادف
على مدونتكم الرائعة
وذلك بنشر
شبكة صوتنا للفن الهادف
http://sawtona.blogspot.com/
ووضع البانر الخاص بها في مدونتكم
http://img204.imageshack.us/img204/6928/73616877.jpg
.................
نبذة عن الشبكة
أكبر مدونة متخصصة في الفن الهادف بكافة صوره وأشكاله
وتقدم الأعمال الفنية الهادفة
وأخبار الفن الهادف
كما تقدم شكل جديد في عرض الفن
كما تم تصنييف الاعمال على حسب الموضوع والقيمة التي توصلها
والمؤدي وجنسيته والآلات المستخدمة ف الأعمال
وغيرها من المفاجآت
..........
وبمجرد الاعلان عن الشبكة في مدونتكم
أخبرونا وسيتم الاعلان عن مدونتكم الرائعة لكل زوار الشبكة
........
دمتم في حفظ الله

غير معرف يقول...

طبيعي اني اول مااقراه افتكر ده موضوعك لانك شخصيتك فها من البحث عن الثغرات دي ربنا يهديك واحشني كتيييييييير وربنا ياعجوز