24‏/11‏/2008

أخر قرار



السلام عليكم ورحمه الله وبركاته

الحمد لله والصلاه والسلام علي رسول الله صلي الله عليه وسلم


رغم اني عارف ان زواري مش كتير


ومش حد كتير بيهتم بيا ولا بالي بكتبه


ورغم إني مش معروف


الا إني توصلت لقرار نهائي


انا هقفل المدونه يمكن لفتره


ويمكن للأبد


بشكر كل شخص أهتم بالي بكتبه


وكل شخص شرفني بالزياره وبرأيه الكريم


وبشكر كل الي أهتم إنه يعرفني


وبشكر إي حد جرح فيا أو أهانني


وإخر حاجه هنزلها القصيده الي جايه


إنتظروها


أخوكم .. وربما ..


صديقكم

هناك 21 تعليقًا:

غير معرف يقول...

انا اه مكنتش بدخل كتير بس ليه يازيزو هتقفلها

انت بتطلع طاقه جواك كويسه هناوهوايه كمان بتنميها سواء حد متابعك او لاء المهم انك بتعمل حاجه بتحبهابلاش تتسرع يازيزو

الكتابه شئ جميل والمناقشه شئ اجمل بلاش يبقى ذكرى زى المنتدى اللى تعبنا فيه وفى الاخر كلو ضاع

اتمنى تغير رايك وبسرعه

زمان فكرت احب <<< رقه

masternino يقول...

وعليكم السلام ورحمة الله
خير مافعلت انك تقفلها
طالما ماجالكش منها الا وجع الدماغ
طالما انك جالك اكتئاب من وراها
طالما انك مش قادر تواصل
مهم جدا يعرف امتى الواحد يقف وياخد قرار
مهم جدا يعرف امتى ينسحب من معركة هو مش قدها
ده مش جبن ولا تخاذل
ده قدرة على تحديد الذات
اتمنى لك كل التوفيق وان يكون اغلاق المدونة تخفيف من العبء الواقع على كاهلك
وانت عارف تلاقينى فين وقت ماتحتاجنى

mostafa rayan يقول...

ليه بس كدة ياعم
بص مش مهم عدد الزوار المهم انك موجود وبتعبر عن رأيك
لو عايز تبعد فترة ابعد
لكن ماتطولش وماتقفلش
تحياتي ليك وامنياتي بالخير يا اخي

رئـــــيسـة حزب الأحلام يقول...

يعنى يوم وااجى وازورك تقول هتقفله
ليه كدة
ربنا ييوفقك وشوف اية اللى هيريحك واعمله تحياتى

Unknown يقول...

السلام عليكم
مبسوط انى لحقتك لسببين
الأول ان أنا كمان عدد زوارى قليل
الثانى ان أنا كمان فكرت أتوقف مؤقتاً من أسبوعين والحمد لله طلعت عيل كبير ومعرفتش

لو معندكش بديل للمدونة من فضلك متوقفش لأنها أكيد أحسن من مفيش

أتمنى لك كل الخير
تحياتى

Unknown يقول...

السلام عليكم ورحمة
الله تعالى وبركاته
هل هذا قرار أم إخبار؟
ارجو أن تُهدى الى ما فيه الخير لك
ولو انه يعز علينا قفلها...فتأكد
اولا !انت نعم غير غزير الانتاج ولكن
انتاجك معلوم ومهضوم كتير فتريث
قليلا .ارجو ان تتريث ولا تتعجل.

تايه في وسط البلد يقول...

هو فيه ايه يا جدعان ؟؟!!!!!

انت تالت مدون اصادفه بيقفل في اسبوع واحد !!

هي ( فرة ) في المدونين ولا احنا اتحسدنا يا ولاد!!

انا م عارف خلفية قرارك ايه يا زيزو
لكن انا لا اتمني ابدا ان تنفذ قرارك

هو خصم كبير من ارض الأحلام

حزينه يقول...

لا بلاش تمشى
خليك
مع انى اول مرة ادخل المدونه
بس حتباعها
بجد خليك

حزينه

TIMMY !! يقول...



احم احم

السلام عليكم و رحمة الله

دي أول زيارة لي في المدونة اللي عجبتني من أول نظرة .

بس الظاهر نظري كان جامد شوية فحسدتها !!

مش عارف ليه بجد انت من الأشخاص اللي اتشديت لهم من أول ما قرأت مدونتك ..

بص يا عم زيزو .. أنا أغيت قبل كده حوالي 4 مدونات .. و رجعت تاني ..

التدوين و الكتابة بشكل عام حاجة حلوة لتفريغ الطاقات اللي مش بنقدر نطلعها في الواقع ...

أنا أول ما بدات كنت عامل مدونة كلها عن الاكتئاب وإني عاوز أموت و ما حدش سائل فيها و الدنيا وحشة و ...

المهم مدونة كئيبة و ما حدش كان بيزورها و لا حاجة , بس بتبقى حاجة حلوة لما تطلع اللي جواك طالما ما حدش حاسس بيك ..

ياريت تبص تاني في قرارك , أو على الأقل تدينا أسباب مقنعة ..

و أنا مستني ردك عليا إن شاء الله ..

تحيتي لك ..

غير معرف يقول...

زيزو

مش هتكلم ولا أقولك متسيبناش


تعالى عندى المدونة

وهتعرف الكلام اللى عاوز أقوله

دمت بكل خير أخى

وفى انتظار القصيدة

موناليزا يقول...

نصيحة اخوية:لاتغلقها الا اذا انتهيت من اهدافك الذى نويتها اثناء انشائها

لحظة تأمل يقول...

اول زيارة
ليس من حقى ان اقول لا تغلق مدونتك

ولكن اردت ان اسجل تحياتى لك على موضوعاتك وكلماتك وافكارك ونصائحك

بالنسبة لى المدونة لها معنى كبير فهى ليست تفريغ طاقة او تواصل
بقدر ما اصبحت جزأ منى اسجل به لحظات تمر تشعر فيها باحساس مختلف وترى الاشياء بنظرة اخرى غير المعتادة

قد تكتب ثم تاتى لتقرا ما كتبت وكأن هناك شخص اخر غيرك يكتب

فقط فكر جيدا لتفعل ما تستقر له نفسك

دمت بكل خير

غير معرف يقول...

صديقي جدا زيزو

برجاء لا تغلق المدونه..ليس لدي أي تعليقات اخرى

صديقتك ( أو كذلك أتمنى ) التي لن تذكر اسمها

مهندس مصري بيحب مصر يقول...

بقى اول مرة اجي لك فيها الاقيك عايز تقفل
ليه كده بس ؟

غير معرف يقول...

خد بريك نونو وتعالى كمل اللى بداتو زيزو

ده امررر

زمان فكرت احب <<< رقه

TIMMY !! يقول...

رد :

زيزوووو

و عليكم السلام ..

أهلا بيك يا معتز :)

و إن شاء الله ربنا يهيء لنا الخير حيث كان ..

و شكرا جزيلا على إبداء إعجابك بالمدونة ..

و يارب تكون وصلت اللي عاوز أوصله بسهولة و من غير ملل ..

شكرا جزيلا على مرورك ..

في أمان الله

Unknown يقول...

ده ليه كده يا عم زيزو بلاش تقفلها اهي حاجه بنطلع فيها أفكارنا و خلاص مش مشكله حد يعلق أو يسيب كومنت المهم أن أي حد بيدخل يقرأ و يشوف أفكارنا

Ahmed Al-Sabbagh يقول...

كل سنة وانتم والاسرة بخير

م/ الحسيني لزومي يقول...

تقبل الله منا ومنكم
وكل عام وانتم بخير

غير معرف يقول...

كل سنة وجميعكم بخير

كل سنة وجميعكم فى سعادة وهناء

كل سنة ونحن أوثق وأقرب

جمعنا الله معا على عرفات

Unknown يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين
عيد سعيد يارب العالمين