مش هطول .. كام كلمه بس يارب يوصلوا
لكل أب .. ولكل أم
أزرعوا الحب بين أولادكم
أذا جبت لعبه لواحد .. لازم تجيب للتاني
إذا مدحت حد فيهم لازم تمدح الباقييين
لو حتي طبطبت أو بوست حد فيهم
لازم تبوس وتطبطب علي باقي الاولاد ...
بلاش كل أم وكل أب يتخانقوا مع بعض قدام أولادهم
لازم يحفظوا أحترامهم قدام أولادهم ..
محدش يجرأ الطفل عليه ولا علي غيره
لأن ده بيسقط أحترامهم في عيون أولادهم
و بكده هيتجرأ علي الكل
وأزرعوا الحب والترابط بين أولادكم..
ديه نصيحه بسيطه
لكل أب وأم .
لكن أتنين متجوزين جديد..
أو حتي نصيحه مستقبليه لأتنين مخطوبين ...
صدقوني ديه نصيحه غاليه ..
ولازم نعمل بيها عشان ميحصلش
ما لا يحمد عقباه !!
في النهايه أحب أقول :
عليكم أنكم تراعوا ربنا في تصرفاتكم
وأزرعوا الحب والترابط في كل مكان
نصيحه بقولها ورزقي علي الله
في كلام كتير مش بنهتم بيه
وفي لحظه واحده بنعرف قيمته
لما يكون الوقت فات ....
تمت
هناك 18 تعليقًا:
ازيك يازيزو يابنى
ايه الحلاوة دى
نصيحة قيمة ياريت الناس تعمل بيها
انا شخصيا حاولت ان اعمل بيها بكل جهدى واللى قدرنى عليه ربنا والحمد لله
انا بخير الحمد لله شوية مشاغل ومشاكل عادية فى العمل مش اكتر
ربنا مايحرمنا من سؤالك عنا
تقبل تحياتى
حمدالله ع السلامه يا زيزو وموضوع جميل طبعا جدا ونصيحه فعلا غاليه ومعاك حق طبعا ولو ان مش كل الناس بتعمل كده وفي تفضيل غالبا للولد عن البنت بحكم المجتمع الشرقي الجميل بتاعنا..عموما ربنا يصلح الاحوال وعجبتني اوي حتة تمت اللي ف الآخر دي :P
ماشي مش هرخم عليك أكتر من كده
أختك اللي انت عارف هيا مين
المحارب القديم
واحشني بجد وحمدا لله علي سلامتك
لازم نعمل بالنصيحه ديه لأنها فعلا مهمه
ربنا يطمنا علطول عليك
ويخليك لينا
في رعايه الله
الصديقه العزيزه / الغير معروفه
المشكله مش في موضوع التفضيل وبس
بتلاقي في مجتمعنا حاجه مستفزه
إن الاب ابنه بيشتم قدامه وده سايبه وفرحان قوي بيه
لا وإيه هو الي بيعمله يشتم
ولما يسيب الولد يتطاول ويسب امه
ويبقي سعيد بكده
لازم يكون متأكد إن ده في يوم من الايام هيتقلب عليه
وهييجي اليوم الي هيشتمه فيه او هيتطاول عليه
وكده يبقي أحترام الاتنين زال
والولدمش هيبقي ليه كبير
وساعتها .. ربنا يلطف بينا
نورتيني بجد .. وأـمني دايما تنوريني
وتشرفيني بزيارتك ورأيك الي بعتز بيه جدا
ربنا يوفقك ويوفقنا جميعا
وفي رعايه الله
فعلا يازيزو موضوع يغيظ
بالذات التفضيل بين الابناء
ده بيتسبب فى كراهية الاخ لأخوه بدون ما الآباء يشعرو
لكن تقول ايه بقى جهل بعيد عنك.
عبد الرحمن الشريف
حزب الجبهة الديمقراطية أسيوط
عبد الرحمن شريف
فعلا التفضيل ده بيتسبب في تفكك أسري وكره بين الاخوات .. وعداوه بلا ذنب من الاخوات
يعني الاب والام هما الي زرعوا ده .. والابناء هما الي بيجنوه من غير ذنب
لكن كمان انا مكنتش اقصد اننا نكبت حريه الطفل .. لأن كبت حريته هيتولد عنه انه هيتطلع جبان .. وده طبعا مش عايزينه
لكن في المقابل مينفعش الطفل يتطاول علي حد ويسكتوله .. والا ميلوموش غير نفسهم لو أتقلب الموقف عليهم
انا مبسوط جدا ان واحد من ولاد بلدي مشرفني ..
فرصه سعيده فعلا وأكيد هيبقي فيه تواصل بيننا
أتمني دايما تشرفني وتنورني
في رعايه الله
اخى العزيز زيزوو
انت ليك فترة بتكتب عن الاسرة
هو انت شغال تبع الاسرة والطفل ولا ايه
ههههههههههههههههههههه
ولا أكيد بتكون اسرة اليومين دول
وربنا يباركلك
وبجد نصايحك غالية جداااااااااا
لك ودى
ازيك يا عم زيزو
اخبارك يارب تكون بخير
بجد شوية نصايح في الجووووووووون
ربنا ينفع بيك وبجد مهم جدا اننا نعمل بالكلام ده
تحياتي ليكي
اخوك
برقش
السلام عليكم
ازيك يا عم زيزو
اخبارك ايه يارب تكون بخير
بجد نصيحة زي الفل
واديني جيت اهوه
ومتزعلش بقي وادعيلي كده الايام الجايه
وسلام يا نجم
زيزو ؟
معقول من وراية ؟
الله يسامحك بس
المحارب المتيم
أزيك وايه اخبارك
يارب تكون بخير
لا انا مهتم بالاسره لأن الاسره أهم نسيج في المجتمع وأول بيئه بتستقبل الطفل.
والاسره هي الي بتغرس القيم القديمه والاصاله الي إتربينا عليها والحمد لله
فطبيعي لازم أهتم بيها
أما موضوع إني بكون اسره ده ( يدينا ويديك طول العمر )
ربنا يجعلنا جميعا ذوي منفعه للناس
ويجعلني دايما في خدمه الناس
اللهم أمين
مبسوط بزيارتك جدا ويارب نفضل دايما علي بالك
في رعايه الله
د/ برقوش
أزيك انت الي واحشني جدا ووحشتني
تعليقاتك وبقالي كتير مغلستش عليك
الحمد لله إن النصيحه نفعتك يارب كلنا نعمل بيها بجد
وربنا يسمع دعوتك
وبعدين ازعل إيه مجيتك محت ما قبلها
ويارب يوفقك ويوفقنا جميعا لما يحب ويرضي
وإبقي إدعي الدعوه ديه لعطول :
يا حي يا قيوم برحمتك أستغيث أصلح لي شأني كله ولا تكلني الي نفسي طرفه عين
سبحان الله رب السماوات السبع ورب العرش العظيم
في رعايه الله
الاخ /اليكس
أهلا بيك
علي فكره انا حابب الفت نظرك لحاجه
مش أنا الشخص المقصود
أكيد انت تقصد زيزو تاني أو ( زيزو
قوي زي ما بيقول علي نفسه )
مش كده برضه
صدفه لكن أكيد
نورتني
زيزوووووووووووووو
أول مرة او تاني مرة أجيلك يا قمر ...
بس نصايحك غالية أوي للي ربنا أبتلاه واتجوز مممممممممممممممممممممممممممممممممممم
واللي لسه متجوزشي يعمل ايه!!!!
على العموم هشيل النصيحه لغاية ما يحصل واتجوز
ميرسي يا جميل وباي بقي
زيزوا يا غالي
انا اسف يا صاحبي لو كنت اتاخرت عليك ... بس انت اللي قطعت مره واحدة فقلت لتكون انت اللي مش عايزني اجي عندك
محبتش ارخم بصراحة
بس بجد واحشني
تحياتي لك يا غالي
اخوك
لؤلؤ
حماده زيدان
يا سيدي يارب قريب افرح فيك وتتجوز
عادي بقي في حاجات بنجيبها في وقت معين
عشان عارفين إننا هنرجعلها ونحتاجها
في يوم من الايام
نورتني وأن شاء الله متكونش ديه اخر مره تشرفني
في رعايه الله
أثمن من اللأليء
زيزو يا غالي ..
غالي ؟؟
ياراجل دا انا لو كنت غالي كنت عبرتني
شوف انا بجيلك قد إيه وإنت ولا بتعبرني
وبعدين لو انا قطعت إسئل إنت
مش يمكن مت يا جدع ؟؟
وبعدين شغل مخك شويه
لو مش عايزك تيجي عندي هاجي عندك انا ؟؟؟
ورخامه ايه بس الي بتتكلم عليها
علي العموم لو عايز التعامل بيننا يبقي بحساسيه مفيش مشاكل براحتك
علي العموم يا سيدي متهتمش ومتحطش في بالك
بس بجد زعلان قوي
في رعايه الله
انا جييييييييييييييت يازيزو قولى مبروووووووك وصولى ومبرووووووووووك نجاحك وحلوه النصيحه وانا هعمل بيها
إرسال تعليق