هتعمل ايه لو نمت يوم وصحيت بصيت
وشفت نفسك فى المرايه بكيت
جواك سؤال تصرخ تقول انا مين .. أنا مين
انا زى ما أنا.. ولا أتقسمت أتنين
وبعدين .. بعدين
قول يالى فى المرايه فهمنى ايه الحكايه
فرحان.. تعبان.. مرتاح .. ندمان
حاجات كتير فى حياتنا أتثبتت فى حيرتنا
وأدينا عايشين راضيين
جايين.. و..رايحين
هتعمل ايه لو نمت يوم وصحيت ولقيت
أقرب ما ليك فى الدنيا مش حواليك
هو أنت مين الى عمل كده فيك .. كده فيك
مش أنت ولا فى حد غمى عينيك
وبعدين .. بعدين
قول يالى فى المرايه فهمنى ايه الحكايه
فرحان.. تعبان.. مرتاح ..ندمان
حاجات كتير فى حياتنا أتثبتت فى حيرتنا
وأدينا عايشين راضيين
...................................
تهنـــــــــئه
...........
الف مبروك للصديقه العزيزه / Black Angel
النجاح والليسانس ويارب يجعل كل أيامك أفراح
ويبعد عنك الحزن وربنا يوفقنا جميعا
لما يحب ويرضى ومبارك نجاحك
ويارب قريب أفرح فيكى وتتجوزى قريب
ههههههههههههه
أجمل التهانى وعقبالنا جميعا
هناك 30 تعليقًا:
بكمل حياتى عادى حتى لو شوفت اى حاجه مقدرش اقف ومفيش وقت انك تقف
مش عارف مرايتك ولا مرايتى
انا مرايتى بصيت فيها بعد 50سنة
ومرايتك فى سن العشرين
شوف على سلامة قال ايه لمرايتى
مــــــــــــــــــرايا
قلت أبص ف المرايا
يمكن أكون إحلويت
فضلت داير أبص
مخلتش ولا مرايا ف البيت
في الحمام ف الأودة ف دولاب
أو متعلقة ع الحيط
شوفت .. سكت شويه
وبعدين إتخضيت
معقول أنا قضيت العمر ده كله
وزي ما روحت زي ما جيت
معقول أنا عمري مافكرت
ولا إتغيرت ولا حبيت
وإزاي ساكت علي روحي ده كله
وليه إستنيت
يا ريتني ما كان عندي مرايا
وياريتني ما بصيت
ياريت ياريت ياريت
الله يا زيزو جميييييييييله أوي وبتفكرني بنفسي كتير أنا أول مره أسمعها بكيت أوي هيا متميزه واختيارك كمان متميز
BLACK
زيزو حبيبي
مرايتك لازم تعترف إنك إنسان نقي
محترم حبوب
وإلا تبقى مراية صيني
ههههههههههههههه
تحياتي يا جميل
آدم
زيزووووووووووو
والله انا آسف جدا على تأخيرى
معقول يا ولاد يكون مدون بلدياتى ومعرفهوش
آسف جدااااااا
ومدونتك رائعة جداااا
والمراية بتاعتك دى شكلها مراية شديدة دا اذا كانت بتقولك كل الكلام دة
انتظر لقاءك ان شاء الله
تحياتى
ودمت بكل ود
دى اغنيه انا مش عارفنى بتاعت عبد الباسط حموده صح ؟
بس البوست حلو
ساعات بيكون الحل انك تبص بسرعة من غير ما تفكر و متسألش المرايا ولا نفسك علشان الاجابة يمكن مش دى اللى انت عايزها
جميلة بس تصور فيها حزن غريب
اسعدنى مرورك على مدونتى وتعليقك
انا لا أعلق على صور البروفايل بس الصورة اللى انت مختارها فيها شىء غريب انسان متصالح مع نفسه ومع الدنيا فرحان بشىء اخيرا لقاه
اختيار موفق
تحياتى
جواك سؤال تصرخ تقول انا مين .. أنا مين
انا زى ما أنا.. ولا أتقسمت أتنين
ــــــــــــــــــــــــــــــــــ
يا ريتها تيجي بس على اتنين......اول مرة اسمع الاغنية دي بس بجد اختيار رائع ومميز..........
أما بالنسبة للجيرة وصلة الرحم فوالله لسة راجعة لمدونتي قريب بعد غياب.....
appy
منوره البلوج
وعندك الحق المفروض الواحد ميقفش ويكمل طريقه لأن مفيش وقت
لكن ساعات بيكون فيه وقفه بتبقى غصب عنك
منوره وأتمنى متكونش اخر مره تشرفينى
تحياتى
masternino
منورنى دايما
وطبعا على سلامه شاعر جميل وحساس
لكن انا بحب ابص فى المرايه عشان مش بحب اكدب على نفسى
بحب دايما اكون شفاف ومكشوف قدام نفسى
عشان مكدبش الكدبه واصدقها وأبقى اكبر ضحكه للناس
مشرفنى ومنورنى دايما ودايما بستنى وهستنى رأيك المميز
تحياتى
Black angel
انا مبسوط ان اختيارى عجبك
لكن فعلا ان حسيتها قوى
لأني برضه حسيتها بتعبر عن حالتى
وفعلا الى يسمعها يبكى على حاله
يارب تكونى دايما بخير
وتنورينى دايما وتفتكرينى
تحياتى
أدم
يا جميل أنت الى شايفنى كده عشان انت
الى عينيك حلوه وشايفه الدنيا كلها
حلوه ...
يارب اسمع عنك كل خير ووحشتنى
تحياتى
المحارب المتيم
عادى مفيش تأخير ولا حاجه كل واحد
وليه ظروفه .. أنت منورنى
ومفيش داعى للأسف "رب صدفه خير من الف
ميعاد" مش بيقولوا كده برضه
ومبسوط جدا ان المدونه عجبتك
رغم انها بسيطه وساعات بحس انها هايفه
وبعدين انا أجى أيه جنب مدونتك ولا
جنب مدونات الناس الجميله الجامده
قوى ديه
والله انا مرايتى مش جامده ولا حاجه
هى كل الى فيها انها صريحه لأن أنعكاسها
على مشاعرى وقلبى
عشان كده لازم تكون صريحه
وأن شاء الله يبقى فيه لقاء قريب
تحياتى
صوت من مصر
منور يا جميل
ديه مش أغنيه عبد الباسط حموده ( مش عارفنى )
ديه أغنيه شيرين ( المرايا ) من فيلم أسف للأزعاج لحلمى
شكرا على تعليقك البسيط
تحياتى
gannah
طالما الواحد صريح مع نفسه يبقى عمره ما هيخاف يبص
ماهو حزنها هو سر جمالها ده غير الشجن الى فى صوت شيرين
علقى براحتك على صوره البروفيل
هى فعلا كده بس انا بميل للحزن أكتر يعنى زى ما تقولى تألفنا مع بعض
فحاولت أحط صوره فيها تفاؤل شويه
ربنا يسمع منك وابقى متصالح مع نفسى
وأخرج من فتره الصراعات ديه
والناس تسيبنى فى حالى
تشريفك ليا أسعدنى جدا وأتمنى التواصل دايما
تحياتى
دواير
فعلا ياريتها تجيى على أتنين
ومبسوط عشان الاغنيه عجبتك
انا عارف انك لسه راجعه من فتره غياب انا كل ما بدخل نت ببص بصه يعنى متابع الوضع من بعيد
حمد الله على السلامه
وأن شاء الله متغيبيش تانى
منوره دايما
تحياتى
زيزو باشا
إيه يا عمونا داخل عليا هزار هزار هزار "طيب على فكرة بقي" أنا كشري وبوزي مترين ومش بحب الهزار "ههههههه"
أوعى تصدق ... عجبني أوى البوست وكمان موضوع الوشين دول , فكرتني بغنوة وجية عزيز المراية , بيقولك
قولت أبص في المراية يمكن اكون أحلويت
فضلت داير ابص مخلتش ولا مراية في البيت
يالهوى هو كمان هغنيلك , دي باظت وخربت كمان ... على فكرة محدش عرف خالص أنك صعيدي غير 80 مليون مصري بس على كام مليون عربي ... أوعى تفكرني فتان
ههههههههههههههههههههههههههههههههه
سلاموز أحسن طولت تروح انت جتلني يا بوى
حماده زيدان
ياباشا انا مبسوط جدا انك شرفتنى
وبعدين ايه يعنى بوزك خمس اشبار حتى وكشرى ولا دقه مش مهم هههههههههههه
انا نفسى حلوه والنفس الحلوه ليها الجنه هههههههههههههههههه
اوعى تزعل انا بهزر
وانا عارف ان محدش عرف انى صعيدى غير 80 مليون على التمانين مليون مصرى بس هههههههههههههههه
يعنى السر فى بير مخروووووووووووم ههههههههههههههههههه
نورت يا قمر وأتمنى دايما تشرفنى
تحياتى
انا هنا علشان اشكرك بجد على مساعيك الحميدة بس الموضوع مش خناقة ولا حاجة. مجرد سوء تفاهم وانا حاولت على اد ما اقدر
الموضوع شائك جدا ولولا انى شايفة فى آثمن من اللالىء انسان زكى جدا قادر على انه يغير نفسه وغيره بعد كده مكنتش زعلت نفسى ولا اتدخلت
كمان انا محبش اكون سبب فى ان حد يتألم وربنا العالم انا قد ايه زعلانه جدااااا
وتركه للمدونة ممكن يأثر على ناس ممكن يساعدهم ودى اكتر حاجة مزعلانى
مكنتش احب اكون السبب
عامة انا مش قادرة اعمل حاجة وانا كمان عارفة حدودى وعارفة ان فيه حاجات مقدرش عليها
عامة انا بشكرك تانى و مدونتنا جميعا بترحب بيك فى اى وقت
واوعى انت كمان تختفى
تحياتى
الغالي العزيز زيزووو
ماتحولش تقف قدام المرايا كتير
لكن بكل بساطة ... أعتبر أخوك هو مرايتك
أعتبرني وأعتبر أصحابك هما مرايتك
هما اللي هيقولوا ليك عليكل اللي بيك وفيك من غير ما يخبوا ولا ينافقوا ولا يضحكوا عليك
أوقات كتير ينقف قدام المرايا ونتغر بنفسنا
وأوقات تانية بنقف ونحتقر نفسنا
بص حواليك ... بص في عنين اصحابك
هتكون أثمن من حاجات كتير (هتكون أثمن من *******)
-----------
على فكره انت كنت بالنسبالي مرايا .. وكنت كل لما ببصلك ألاقي الامل والتشجيع في كلامك ليا
علشان كده متقفش كتير قدام المرايا ... لكن خليك دايما وسط أصحابك هما هيكونوا ليك افضل من مليون مرايه
-----------
أعذرني إن كُنت غير معروف
لكني أأخذ قسط من الراحة لأعود بإسم جديد
ان سعيد جدا بهذه الزيارة لكن المهم ان نعمل لا نتكلم مع خالص حبي وتقديري لكل الصعايده.
م/ الحسيني لزومي
مواطنون ضد الشعب
ميرسي أوي يا زيزو عيى تهنئتك الرقيقه دي والله ما خدت بالي منها غير دلوقتي
ربنا يوفقك يا قمر وأفرح فيك أنت الأول
BLACK
المشلة اننا كمصريين ننظر للمرايه من الخلف!!!!
رجاء دوام التواصل
مواطنون ضد الشعب
شعور مؤلم ان تشعر بأنك فجأة
وحيد بلا حبيب ولا رفيق
شعور بجد صعب ومؤلم
بجد كلماتك جعلتنى اتسال ماذا لو حدث لا قدر الله
تسلم ايدك
والف مبروك النجاح
gannah
لاشكر على واجب
فى حد بيشكر أخوه وهو بيصالحه على اخواته
والله يا جنه فى مثل بيقول ؛ تبات نار تصبح رماد ؛
إن شاء الله كل شىء هيتصل ويبقى تمام
ومتشكر لترحيبك بيا
تحياتى
غير معروف
( الى انا طبعا عارفه )
انا ساعات بحب اقف قدام المرايه عشان فى الغالب مش بتغشنى عشان هى نفسى
الاصحاب ممكن يغشوا مفيش حاجه مستبعده
وانا مبسوط اني كنت في يوم مرايتك
ويارب يسخرني دايما لخدمه الناس كلها
عذرك معاك يا غير معروف
بس أتمنى ابقى من الناس الى هتعرف وقت عودتك
دمت بود
الحسيني لزومي
أهلا بيك أنت منورني
بس عايز اقولك كلمه بس ياريت متضايقش
انا طبعا مبسوط بتعليقاتك والتواصل
لكن ليه بحس تعليقاتك لازعه
مفيهاش شويه تحفيز
وبعدين بيني وبينك انا مش بقول مجرد شعارات
المدونه ديه انعكساس لشخصيتي يعنى الي فيها حقيقتي
وغير ده كله انا مش بحب الكلام بدون فعل
بس مش دايما الناس بتشوف المرايه بالعكس .. الي بيشوفها كده بيبقي بيضحك علي نفسه في النهايه
أتمني متكونش زعلت من تعليقي علي تعليقك
ومعلش أنا بس مشغول شويه وإن شاء الله هتواصل مع الجميع
تحياتي
BLACK angel
منوراني دايما
وبعدين مش واخده بالك ( الي واخد عقلك يتهنه به)
هههههههههههههه
وبعدين ده أقل واجب أحنا المفروض نعملكحفله جامده جدا ونجيبلك هديه
بس الأيد قصيره ....
ياستي نفرح في بعض في يوم واحد
عشان محدش يبقي احسن من حد هههههههههههههههههههه
مبارك نجاحك
ويارب دايما اسمع عنك كل خير
تحياتي
نهر الحب
حللتي أهلا ونزلتي سهلا يا سيدتي
بقالك زمن مش بتشرفيني بالزياره
هو فعلاأحساس مؤلم وكريه
بس ديه مجرد حاله صعبه قوي
ربنا ما يحكم على حد
هي أغنيه لشيرين في فيلم اسف علي الازعاج لحلمي
والله يبارك فيكي عقبالي يارب ههههههههههههههههههههه
نورتيني وأتمني دايما تشرفيني
تحياتي
زيزوووو الطيب
أنا متأخرتش عنك خالص .. أنا كنت موجود دايما في المدونة
بس انت اللي مش واخد باللك
تحياتي
إرسال تعليق