ناس كتير من الى بتدخل مدونتى ممكن تحس او تشوف انها هايفه
أو أنى انسان هايف او ميولى هايفه
وده طبعا لأنى مش بتكلم فى السياسه
ماهو انا أكيد هكتب فى يوم موضوع سياسى
بس انا مش عايز تبقى مدونتى سياسيه لعده اسباب
اولا : لأن اغلب المدونات سياسيه
ثانيا: انى لما بتكلم مع اصحابى فى السياسه
بكتئب من الحال الزفت الى البلد عليه
ومن المستقبل المهبب الى هتبقى عليه
فكمان مش عايز انكد على الى بيقرا
ورغم انى عارف ان الى بيقروا مدونتى قليلين قوى
وأن التعليقات ضعيفه قوى
وان الى يعرفوا مدونتى اصلا قليلين
الا أنى مش بتضايق
ولا بحب أنى أغير اهتماماتى او مسار المدونه
عشان اكسب شهره أو الفت الانظار
انا بحب تكون موضوعات المدونه متنوعه
ومنها كمان السياسه
فى الاخر أحب أبعت تهنئه :
كل سنه وانت طيب يا أدم
وعقبال ميت سنه
ودايما تبقى معانا بمشيئه الله
وبتمنالك حياه سعيده
وحاضر جميل ومستقبل جميل وهادى
واعتبر التهنئه والاهداء ده هديه بسيطه
وده الى قدرت اقدمه
هناك 17 تعليقًا:
مدونتك جميله واوعى تقول عليها هايفه تانى
تحياتى
زيزووووووووووو
تسقط السياسة ويحيا زيزووووووووو
فينك ياولد بقالى فتره مش شايفك ولا شايف تعليقاتك الحلوة اللى بتنور مدونتى مع انى انتاجى كتير المدة اللى فاتت
طمنى عنك وتقبل حبى وتحياتى
ربنا يجازيك كل خير على دعائك لى بالثبات وأتمنى أنك تعتبرنى أخ لك
فى حفظ الله ودعوااااااااتك
dr_m9@yahoo.com
السلام عليكم ورحمة الله وبركاته
أخى الفاضل
z!zOoOo
ربنا يكرمك ياااااااااارب ويجازيك كل خير على مشاركتك اللى بجد أسعدتنى وأبكتنى
وآسف لو كنت اتأخرت عليك فى الرد لكنى غصب عنى والله بقالى فترة ما دخلتش بسسب الانشغال الشديد
ربنا يجازيك كل خير يااااااااارب
وأتمنى أنك تعتبرنى لك أخ وصديق
فى حفظ الله أخى وربنا يتقبل منك يااااااااارب دعائك
واسمح لى هذاإيميلى
dr_m9@yahoo.com
لو تحب تراسلنى عليه
فى حفظ الله
وجزاك الله كل خير
السلام عليكم ورحمة الله وبركاته
الأخ الفاضل
جزاك الله كل خير على دعائك لى وزيارتك لى فى مدونتى اللى بجد أثرت فيا وجعلتنى أبكى من الفرحة والتأثر
ربنا ياااااارب يجازيك كل خير ويباركلك ويجبر بخاطرك زى ما أنت جبرت بخاطرى
واعذرنى لو كنت تأخرت عليك بس زى ما أنت عارف الإمتحانااااااااااااااااااات
وآه منها الإمتحانااااااات
ربنا يجعلنا الصعب سهل يارب
وأتمنى بجد أنك تعتبرنى أخ لك
فى حفظ الله ولا اله الا الله
dr_m367@hotmail.com
dr_m9@yahoo.com
هوة مين اللى قال لحضرتك إن مدونتك هايفة ..قول بس واحنا نوريه شغله
عارف مدونتك والله بجد أنا خدت كده لفة سريعة بس لكنها مدونة جميلة
رقيقة وكلام حلو بجد
ربنا يوفقك وينفع بيك وكل سنة وأخوك آدم طيب وبكل خير وربنا يديم المحبة والود بينكم علطول إن شاء الله
تقبل تحياتى
السلام عليكم
حبيي
يارب يخليك لي
ومدونتك بنحبها ولو كتبت في البتنجان
اكتب في السياسة ومتخافش إحنا متعقدين أصلا
اكتب في الحب
والكره
وكل اللي ييجي في بالك
متكتبش عشان شهرة
دون لأن التدوين مراية لشخصك
انقل لنا شخصك وشخصيتك بكل ما فيها
وكل ما تحب أن نعرفه عنك
وما نحب أن نعرفه عنك
شكرا ياقمري على الإهداء
وربنا يديم المحبة
تحياتي
حبيبك
آدم
عمر
ومين قال أنه اللي مش بيتكلم في السياسة هايف ... كل واحد وله ميوله وطباعه .. وعادى انا اكتب وانت متكتبش او العكس
ثانيا
ميرسي علشان احتفلت عندك بعيد ميلاد آدم اللي حقيقي أنا بتشرف إني عرفته لأنه شخصية محترمة وجميلة اوى
زيزو
انا اسف عالغلط في الاسم
سماح بقي
مش عيب أبدا أنك ما تكتبش في السياسه
العيب أنك تكتب حاجه مش بتعبر عنك
وعنك انتا وبس
ما تخليش اي حاجه نغيرك
لاء يا زيزو متكتبش في السياسه وبعدين انت حر تكتب ف الموضوع اللي بعجبك المدونه بتاعتك وانت برحتك واللي مش عاجبه ميقراش يا عم..تسقط السياسه كمان مره ولا تزعل نفسك يا قممر
BLACK
أولا مش معنى انك مش بتتكلم في السياسة تبقى مدونتك هايفة ..هي صحيح السياسة دي حاجة مهمة.. بس عادي فيه حاجة اسمها تخصص..يعني ممكن تبقى بتكتب في كل حاجة زي ما انا بعمل مثلا وممكن تحدد لنفسك مجال معين والحالتين كويسين..عشان المهم هو اللي بيتكتب مش الاساس...
ثانيا هي صحيح السياسة تجيب اكتئاب.. بس هنعمل ايه...قدرنا...
وأخيرا عقبال ما أدخل هنا في يوم الاقي عدد التعليقات 100
....ياريت تشرفني في مدونتي....حق الجيرة بأه
فينك يازيزوووووووووووو
الامتحانات ولا المصيف ولا ايه
طمنى عنك
اخوك الكبير
احلي زيزو في الدنيا
وحشتني يا صاحبي
بس والله الامتحانات هي اللي كانت واخداني
بس تمام عدت علي خير
وعلي فكره انت معاك حق متغيرش ميولك عشان ترضي حد
برقوووش
زيزوووووووو
انت فين يا حبيبي ؟
غايب ليه ؟
يا رب تكون بخير
ويكون المانع خير
ربنا يستر
طمني عليك
adam_4lovers@yahoo.com
ابعت لي هنا تليفونك
عشان اتصل بيك وأتطمن عليك
يا صاحبي متتعبش أعصابي أرجوك
تحياتي
آدم
ازيك يا زيزو
مين قال انها مدونه هايفه قطع لسانه
يابني دا الموضوع اللي فات تستاهل عليه مليون بوسه
حبيت اعلق عليه هنا عشان تشوف التعليق بجد موضوع مؤثر ويمسنا كلنا
تحياتي ليك يا نجم واستمر وخلي عندك ثقه في نفسك
برقش
السلام عليكم ورحمة الله وبركاته
ما تكتب الا انت عايزه
هذه هى الخلاصة
صديق لى حين علق على موضوع (شبه سياسى)فى مدونتى قال(لا تعليق=مابحبش الكذب =مابحبش السياسة)هذا حقك ولا تتنازل عنه ولا تضعف.
إرسال تعليق