كانت بداية..زي أي حلم لسه متبناش
كتير نخاف.. وكتير نحزن والحلم برضه منتهاش
أيام كتير عدت أوهام ..ورحنا وجينا وخدنا الزمان
وبرضه جوانا الحلم عاش
كان كل كف يلاقي نفسه ف كف تاني
كان كل همس شايل وعوده والأماني
وعدت ليالي طوال.. وفجأه وقف المشوار
كلمه واحده جابت كل الكلام
وكانت نهاية
زي أي قصه بتنتهي..زي أي شمعه بتنطفي
مبيفضلش منها غير حبة سراب
حبة ألم ..حبة عتاب
فاتت سنين عدت بسرعة جهنمية
كل واحد فينا راح ف دنيا تانيه
ويوم ما أتلاقينا كان كل كف ف كف تانيه
وعيوننا بصت لورا..ورمشت بسرعة
ودارينا دمعه..
ودارينا أهه جوه قلب بيتحرق
كل ده شفناه ف لحظه ولسه العمر بيتسرق
في ناس أتكتب عليها تعيش العمر شقيانه
وناس كتير تلف ف دايره واحده حيرانة
ويعدي بينا العمر وسؤالنا جوانا
عشنا الحياه ولا عاشتنا ؟؟
دقنا مرارتها ولا حلاوتها ؟؟
حبنا كان وهم ولا حقيقه هربانه
رايحه وسيبانا..
وأطوت صفحه كتاب
أخر صفحه ف الكتاب
وكانت نهايه..
بقلم الصديقه العزيزه/ Black angel
وأنا بهدى كلماتها الرائعه ليها
تحياتى لموهبتك
هناك 5 تعليقات:
زي أي قصه بتنتهي..زي أي شمعه بتنطفي
مبيفضلش منها غير حبة سراب
حبة ألم ..حبة عتاب
تسلم يا زيزو بجد احساسك هايل
واختيارك للاغاني هايل
يارب يوفقك
تأمين باشا منورنى والله
ويبقى الاحساس الرائع لصاحبة الكلمات الرائعه /Black angel
بجد تحيه كبيره لموهبتها .. لأنى من عشاق كتاباتها.. لأنى أشعر عند قرأتى لها بأن مصر لازلت ولاده وعامره بالمواهب والعقول الجميله
الحمد لله ان اختياراتى فى الاغانى عجبتك
أتمنى تنورنى علطول يا تأمين
الله عليك وعليها بتقلبوا علينا المواجع الى كانت فينا واجع من اكتر من ربع قرن ونسيناهاومانسيناها بس نسينا اللى واجع فى قلبى راجع
بصراحه مش عارف اقولك ايه
بس فعلا انا بستمتع وانا بقرأ اى حاجه لBlack angel لأنها موهوبه بجد وناس تانى كتير تستحق الالتفات ليها
معلش لو قلبنا عليك المواجع بس احنا المواجع معانا علطول ربنا يهون على الجميع
نورت يا مستر
:$ :$ :$
كتير عليا يا زيزو والله..ربنا يجبر بخواطرك زي ما انت جابر بأشعاري..
ربنا يوفقك يا زيزو يارب وميرسي أوي لكل حد قال ف حقي كلمه حلوه
تحياتي:
BLACK
إرسال تعليق