الحلم الى ضاع

من أصعب الاحساسيس الى ممكن الواحد يحس بيها

لما يكون فاضل خطوه ويتحقق الحلم

لما يكون صابعك فاضله عكله ويوصل للى عايزه

وفجأه.....

يضيع كل شىء .. يتخلى عنك الحلم ..

وينزلك على أرض الواقع الى كانت هتستضيف الحلم

ساعتها مش بتبقى حاسس غير بحاجه واحده ... العــــــــجز

لما ترسم وتخطط وتحط كل أملك على الشىء ده ..

ومره واحده شوية هوا يطيروه بعيد عنك ... للأبد

أفتكرت حاجه لعمنا صلاح جاهين بتقول :

ياما صادفت صحاب وماصحبتهمش

وكاسات خمور وشراب ومشربتهمش

أندم على الفرص الى انا سبتهم

ولا على الفرص الى أنا مسبتهمش

... وعجبي ...

وأفتكرت حاجه كتبتها انا بتقول :

ضعت يا حلم مني وبأيه يفيد الندم

وليه أندم عليك ما أنت أتخلقت من العدم

وعلى حظى أنا أتعودت الى عمره مره ما خدم

لكن لازم أزعل لأنك كنت أملى وضعت منى وعجزى فى قلبى ألم

لكن حمدت ربى وقولت . مش يمكن يا حلم لوكنت أتحققت .. مكانش الواحد من الناس سلم


بس فى الاخر الواحد مش هيقدر يقول غير ....










........الحمد لله على كل شىء وعلى كل حال .......