بني أدمين شكل تاني

لما تكون إنسان مش بتحب تكسف او تزعل حد منك

اي حد بيطلب منك حاجه مش بتقوله لا

ولما بتسلف مش بتبقي متضايق بل بالعكس

بتحس نفسك مبسوط إنك خدوم وإنك كويس مع الناس

طيب إتخيل لو إنت سلفت حاجه او كذا حاجه والي مستلفها صاحبك

يعني عادي في اللاذيذ ، والحاجه قعدت عند واحد فيهم بتاع شهرين

وغيره خلص مصلحته بيها ، والاتنين ماجابوش الحاجه الي مستلفينها

وإنت احتجتها وداير تلف علي ناس تانيه تستلف منهم

حاجه مكان حاجتك لحد ما يرجعوها

إيه موقفك ساعتها ؟؟؟

يعني هل مش هتضايق ؟؟

يعني المفروض والي اعرفه واتربيت عليه

إن المفروض لما الواحد بيستلف اي شيء

الطبيعي اول ما يخلص مصلحته بيها

يرجعها لصاحبها ، ولا لازم تقعد عنده بالشهور

وساعات بالسنين والله عشان تروح تطالبه بيها !

طب مش المفروض هو يكون إنسان حسيس ويجيبها من نفسه

ويعفي نفسه من حرج إني اروحله واقوله يا بارد هات الحاجه

ولا انا غلطان ؟؟

طب مش الطبيعي برضه إنه زي ما جه وأخد الحاجه ييجي يرجعها

ولا هو ييجي ياخدها وعشان بعد كده مابقاش ليه مصلحه تاني فيها

إنت تروح وتاخدها منه !



وابسط رد لو جيت سألت وقلتله : إنت مش خلصت مصلحتك بيها مش المفروض

ترجعها ، يرد بكل بساطه : اصل إنت ماطلبتهاش !!!

يعني هو انا لازم اطلبها عشان تجيبها

وممكن واحد تاني ابسط من الي قبله يقولك : طيب ما انت مش محتاجها !

طب إنت مالك إن شاالله اعملها خيشه او حتي لو كتاب اعمله مراكب

إنت يخصك في ايه هي بتاعتك ولا بتاعتي !!!

في عز ما انت متغاظ إنك يوم ما إحتجت حاجتك مش لاقيها

ورغم ده كله تستخدم الذوق وتنقي اقل طريقه تفهمهم بيها

إن ده شيء مش كويس

وتقول يا جماعه ديه قله ذوق المفروض الي ياخد حاجه يرجعها

يزعل من الطريقه ويقولي : يعني انا ماعنديش ذوق ؟؟

اقوله اي حد بيعمل كده يبقي ماعندوش ذوق مش لازم احرجك عشان

تجيب الحاجه خليك حسيس وهاتها من نفسك

يعني هو مفيش بين الاصحاب ذوق ولا إيه بالظبط ؟؟؟

يقولي إحنا اصحاب ومفيش بين الاصحاب حاجه زي ديه

ويقولي انا ليا حاجه عند واحد صاحبي ليها بتاع سنه عنده

وصاحبي ليه حاجه ليها بتاع 3 شهور

قولتله والله إنتوا احرار مع بعض لكن انا مابحبش كده

واقوله الي بقوله صح ولا لا

يقولي في الرسميات صح لكن في العادي مش صح

اقوله يا عم الصح صح مافيهوش رسميات ولا زفت

يقولي صح من وجهه نظرك والعمليه قلبت علي فلسفه افلاطونيه

اقوله ده الصح من وجهه نظر كل الناس ،دا انا اجيبلك عيل صغير يقولك الكلمتين دول

بعد كده العمليه دخلت في إن مفيش حد بيشوف نفسه غلطان

وإنت مش واخد بالك من طريقتك

ورغم إني مختار اذوق طريقه اقوله بيها برضه زعل

وشويه دخلنا في المنطق المطلق وإن الصح ده من وجهه نظرك

والكلام الحمصي ده الي لا يجيب ولا يودي

قولتله يا عم فيه حاجات صح مش محتاجه جدال ولا نقاش

وكذلك حاجات غلط

قولتله زي كذا حرام حرام ليه ، عشان كذا كذا

وديه حلال حلال ليه عشان كذا وكذا

مافيهاش اني اقولك حلال من وجهه نظرك

وحرام من وجهه نظر غيري

في النهايه انا قفلت في الكلام

ومشيت عشان اتكسحت وصدعت

يا تري مين صح ومين غلط؟؟؟

اما حكايه المنطق المطلق

فإن شاء الله الموضوع الي جاي

معلش انا عارف إني رغيت كتير وصدعتكوا

بس معلش انا مش بفضفض كتير

فإستحملوني بقي

علي رأي عوكل " إدونا فرصتنا بقي "

D:

مستني اسمع أرائكم بصراحه واناقشكم فيها

الجهاد والاجتهاد

السلام عليكم ورحمه الله وبركاته

الحمد لله والصلاه والسلام علي رسول الله صلي الله عليه وسلم

أما بعد لكل منا في هذه الحياه جهاده وإجتهاده الخاص

فهو فرضا علي كل إنسان أن يجاهد ويجتهد

فأولا قبل أن اتطرق لمقصدي لأبد وأن افرق بين الجهاد والاجتهاد :

وسأحاول ان اختصر لأن الشرح في ذلك الامر لا ينتهي

الجهاد

من الكلمات التي أسيء استعمالها لعدم فهم معناها فهما صحيحا،

فالجهاد مأخوذ من الجَهْد وهو التعب، أو الجُهد وهو القوة،

فالمجاهد يبذل جُهْدا يحس فيه بِجَهْد، أي يبذل قوة يحس فيها بتعب ،

ومعنى الجهاد بذل الجهد لنيل مرغوب فيه أو دفع مرغوب عنه ،

يعنى لجلب نفع أو منع ضر، وهو يكون بأية وسيلة

وفى أي ميدان حسي أو معنوي ، ومنه جهاد النفس والشيطان

وجهاد الفقر والجهل والمرض وجهاد البشر

والجهاد في سبيل الله.

‏ أما معني الاجتهاد

الاجتهاد في اللغة: مشتق من مادة: (ج هـ د)

بمعنى: بذل الجهد (بضم الجيم) (وهو الطاقة) أو تحمل الجهد (بفتح الجيم)

وهو المشقة. وصيغة "الافتعال" تدل على المبالغة في الفعل،

ولهذا كانت صيغة "اكتسب" أدل على المبالغة من صيغة "كسب".

فالاجتهاد في اللغة: استفراغ الوسع في أي فعل كان،

ولا يستعمل إلا فيما فيه كلفة، وجهد،

فيقال: اجتهد في حمل حجر الرحا

ولا يقال: اجتهد في حمل خردلة.

وأما في اصطلاح الأصوليين، فقد عبروا عنه بعبارات متفاوتة،

لعل أقربها ما نقله الإمام الشوكاني في كتابه "إرشاد الفحول"

في تعريفه بقوله: "بذل الوسع في نبل حكم شرعي عملي بطريق الاستنباط".

وبعض الأصوليين لم يكتف بكلمة "بذل الوسع" وجعل بدلها كلمة "استفراغ الوسع"

بل زاد الإمام الآمدي على ذلك فقال في تعريفه: "هو استفراغ الوسع

في طلب الظن بشيء من الأحكام الشرعية على وجه يحس

من النفس العجز عن المزيد عليه" هذا مع أن العبارة الأولى كافية،

إذ ليس على المكلف إلا بذل وسعه،

كما قال تعالى: (لا يكلف الله نفسا إلا وسعها) [البقرة: 286]

وإنما قالوا ذلك ليسدوا الطريق على المتسرعين والمقصرين

الذين يخطفون الأحكام خطفا، دون أن يجهدوا أنفسهم في مراجعة الأدلة،

والتعمق في فهمها، والاستنباط منها، والنظر فيما يعارضها.

فهذه بعض اقوال السابقين في الجهاد والاجتهاد

فضلت ذكرها حتي يتمكن من يقرأ ويستطيع التفريق بينهم

فكما قلت لكل منا دورا عاما يقوم به واخر خاصا

فالأب مثلا : عندما يتقن عمله فهذا دوره العام الذي يفيد به المجتمع

ويرتقي بما يعمله ويحث الاخرين بطريق غير مباشر إلي ذلك .

وعندما يقوم الاب بحسن تربيه اولاده ويؤدي دوره كأب فهو دور خاص

إختص به وكذلك عندما يؤدي عبادته الحقه من عبادات الله

ومعاملات لوجه الله فهذا أيضا دورا خاص

فلكل منا دوره الذي لابد ان يجاهد ويجتهد فيه .

وأري من وجه نظر المتواضعه أن العنصر الجوهري

والقاسم المشترك بين الجهاد والاجتهاد هو " الاخلاص "

فالاخلاص في كل عمل يزيده سعيا وجهدا وإجتهادا .

فالعالم لابد أن يجاهد في سبيل علمه ويجتهد ويبذل وسعه فيه

ورجل الدين والعابد لابد وأن يجاهدا ويبذلا وسعهم في تحقيق رسالتهم الساميه

والاب والام والابن والابنه والاخ والاخت

ورجل السياسه ورجل الدين ورجل العلم ورجل الفن ورجل الشارع

وكل فرد لأبد له أن يجاهد في دوره ويجتهد في ماهو مختص فيه ليبلغ مايتمناه ويحقق غاياته .

فالإجتهاد شيء تحث عليه الاديان

كألإجتهاد في العلم

فيقول الله في أول أيات في القرأن

" إقرا بإسم ربك الذي خلق "

فهي دعوه صريحه للإجتهاد والجهاد من اجل المعرفه والعلم

وأيضا يقول الله عز وجل " لا يكلف الله نفسا إلا وسعها "

أي يطلب من الانسان مقدار وسعه جهده

أي لابد أن يجتهد حتي يصل إلي نهايه جهده وأن يستفرغه

وأيضا قال تعالي " إن الله لا يضيع أجر من أحسن عملا "

وفي موضع أخر "وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ "

وأيضا الجهاد والاجتهاد رأيناه وعلمنا عنه من اقوال الحكماء والسابقين

من الحكم والامثال فمثلا هناك مقولات مثل :

من جد وجد ومن زرع حصد

السماء لا تمطر ذهباً ولا فضة

السيف يقطع بحده المرء يسعى بجده

العيش في الدنيا جهاد دائم

إن جهد المقل غير قليل

علي أن أسعى وليس علي إدراك النجاح

من جال نال

وما نيل المطالب بالتمني ولكن تؤخذ الدنيا غلابا

يساعد الله الذين يساعدون أنفسهم

فكل شيء يدعونا للإجتهاد والجهاد في حياتنا

فلابد أن نعي تلك الرساله جيدا

وأن نجتهد في ديننا وفي عملنا وفي علمنا وفي تربيه اولادنا

وأن نجاهد أنفسنا علي المعاصي

ونجتهد في إصلاح ما نستطيع إصلاحه بعقلنا او بيدنا

او بقلبنا وهذا اضعف الايمان

فلم يصل أجدادنا من عرب وفراعنه من علم وحضاره

انارت العالم وإستمدها الغرب منا إلا بالجهاد والاجتهاد

والاخلاص فيما يحيطون به

فأتمني أن ندرك دورنا جيدا وأن نحاول أن نجاهد ونجتهد

ونعي جيدا معني هاتان الكلمتان ونبذل ما في وسعنا لتحقيقهم

حتي في اضيق الحدود

فعندما نفهم ونفكر

ونحاول فإنها أول الخطوات في جهادنا وإجتهادنا

فالجهاد والاجتهاد ليس في الدين فقط

إنما في الحياه كلها

فالجهاد فرضا

والاجتهاد فرضا

ومن لم يتلمسه أو يراه في دنيانا

فعذرا

فهو غافي وفي غيبوبه

وفقنا الله جميعا لما يحبه ويرضاه

إديني عقلك ( مبروك لمصر )

تحديث: البقاء لله توفي إلي رحمه الله تعالي

والد "المعتصم " اخونا وزميلنا العزيز في التدوين

صاحب مدونه " مش عارف "

اللهم اغفر لوالده ولوالدي ولجميع المسلمين الذين
شهوا لله بالوحدانيه ولنبيه بالرساله
وماتوا علي ذلك
اللهم تقبله وتقبل منه أعماله
اللهم تجاوز عن سيئاته وارفع درجاته
وغسله بالماء والثلج والبرد
اللهم إرزقه دارا خيرا من داره واهلا خيرا من أهله
وزوجا خير من زوجه
اللهم إنس وحشته وإرحمه من ضيق القبر
وظلمته ووحشته وانر قبره بنور وجهك الكريم
اللهم أدخله الجنه جوار النبيين والصديقين والشهداء
وارحمه وارحم والدي وجميع المسلمين
اللهم أمين
اتقدم بخالص العزاء للأخ العزيز
وان يلهم الاسره الصبر والسلوان


.............................


السلام عيكم ورحمه الله وبركاته

ازيكم جميعا ( روتين بقي لازم اسلم واطمن عليكم )

يارب تكونوا بخير جميعا احب اقول قبل كل شيء

الف الف الف مبروك لمنتخبنا والف مبروك لمصر كلها

علي الكاس وتحقيق رقم غير مسبوق

وإننا نكون اول دوله تاخد دوره 3 مرات

ويبقي مركزنا العاشر علي العالم

وكالعاده مش جديد علينا بس أتمني المره الجايه ماتبقاش في الكوره

تبقي جايزه كبيره زي نوبل في اي مجال في العلم

بجد المنتخب شرفنا قوي ولعب حلو قوي

والاهم من ده كله اول شيء ساعدهم هو توفيق ربنا

وبحب اهني كابتن حسن شحاته علي التشكيل والتدريب والمستوي فوق الطبيعي

الي وصل ليه المنتخب وبشكر كل حد ساهم في النجاح ده

سواء من الجهاز الفني او اللاعيبه او المعلم

وطبعا ده غير إستقبال الرئيس للمنتخب كان احلي تشريف وتحفيز

ربنا ينصر مصر في كل شيء ويارب تعلي وتظهر في باقي المجالات

وبحب اقول للناس الي بتقول إنها هيافه اقولهم سيبوا الناس تفرح

اهي حاجه تجمعنا وتفرحنا بدل ما كل ايامنا غم

والوطنيه ومصريتنا مش كوره لكن بنشجع ولاد بلدنا ومصريتنا هي هي

مع اي حد بيشرف وبيمثل مصر سواء في العلم زي زويل ومصطفي محمود

وغيرهم او في اي مجال تاني والف مبروك كمان مره

ونقول جدووووووووووووو جدوووووووووووو هو هو

وعايز تهده هاتله جدووووو

D :D:

كفايه بقي هزرنا وهنينا مصر ندخل بقي في الموضوع


............................



بما إن الكل لسه مخلص إمتحانات

وعقبال الي لسه مخلصوش فالموضوع بيختص بالدراسه

فمثلا انا طالب جامعي في اول سنه

يعني لسه طالع من الثانويه العامه طازه

الجامعه مجتمع جديد عليا .. كان نفسي ادخل كليه كويسه ولما دخلت كليه ..

إتصدمت وياريتني ما كان نفسي ادخلها !!!

طيب ازاي انا ادرس كل الكم ده .. والمحتوي الصعب ده وانا لسه ف اولي جامعه

يعني ما ينفعش المواد تتقسم او الكم يصغر


طيب شوفوا كده الي دار في دماغي ده ( يمكن اكون غبي ولا حاجه )

اولا : محدش ينكر إن الدكاتره بتحط الكتب من المراجع

طيب مش المفروض الدكتور وظيفته يقرا المراجع ويحط محتوي الكتاب مبسط

عشان يناسب عمرنا وعقلنا

طيب علي الاقل يشرح في المحاضرات بدل ما هو بيحط الكتب من المراجع

ويدخل المحاضرات يقرا من الكتب وكإنك يا ابوزيد ما غزيت !!!!

طيب نظريه بسيطه كمان فكرت فيها ( يمكن اكون اغبي واغبي )

الي وضع المراجع ديه هل وضعها مره واحده أكيد علي مدار كذا سنه

من ابحاث وتجارب طيب إزاي يدرسوهولنا إحنا كطلبه

يعني الي إتكتب في سنين ناخده إحنا ف تيرم ولا ف سنه !!!!

طيب يا تري الي وضع المراجع ديه كان عنده كام سنه وقت كتابته للمراجع ديه

او وقت تدوينه أو تدوينهم لمجموعه الافكار او النظريات الي في المراجع ديه

من المؤكد ولا بد إن الماده المتعلمه تكون مناسبه للعمر العقلي للمتعلم

يعني عمر الكاتب العقلي مش قد عمرنا العقلي ..

وعمر الكاتب الزمني مش قد عمرنا الزمني يبقي إزاى ندرس أحنا كل ده ؟؟؟

والاهم من ده كله طريقه الامتحانات والدش وادخل اطبع في الامتحانات

وبعدها إنسي الي أخدته.. هو ده العلم الي هنستفاد منه ؟؟

إزاي كمان طالب الطب يكون سهل عليه التشخيص وهو ماجربش التشريح

وإزاي الكيميائي او طالب العلوم يبتكر شيء او يكتشف اي شيء

من غير معامل متطوره تساعده علي ده

إزاي طالب الهندسه هيطلع فاهم كل شيء من غير ما يزور مواقع

ويدرس ويعرف كل شيء علي الطبيعه منين هيبتكر او يطور

او يوصل لتمام الفهم

وكذلك باقي الكليات الي محتواها ومضمونها بيحتاج لتدريب وتجريب

يعني من خلال نقص المعامل والامكانيات ونقص الفهم والتدريب العملي

إزاي هنطلع جيل فاهم قادر يواجه اي تحديات وقادر يطور


ويبتكر كمان نظريات ومسارات تتدرس من بعده ؟؟؟

اي دوله عايزه ترتقي لازم تبقي الدعامه الاساسيه ليها التعليم

وإحنا اكتر شيء متدهور عندنا هو التعليم

طيب هل ديه ممن تكون سياسه إنهم مش عايزين يعلمونا تعليم صح

عشان مانفهمش وتتفتح عقولنا علي حاجات تاني أكبر

او مانطالبش بحقوقنا البسيطه

ولا هل ديه سياسه عالميه ومخطط مقصود بيهم تخفيض ميزانيه البحث العلمي

وعدم تعزيز وتحفيز اي افكار ومخترعات جديده

عشان نفضل بعيد عن ركب التقدم ونفضل نتحايل وناخد المعونه ونقعد علي جنب

كلام كتير عايز اقوله بس الواحد مابقاش عارف إذا كان صح ولا غلط

ولا مين صح ومين غلط ..

ولا مين مصلحته فين

بس في الاخر هقولك

إقرا كلامي وفكر فيه وإذا لقيت حل يبقي


إديني عقلك


.....


بعد الغم ده ههدي للناس الي شايفين إننا مزودينها

صور للمنتخب بعد الكاس

وسمعني سلام بلدي يا غاليه عليا

D:











الف مبروك لكل المصريين

تحياتي