تخيل

السلام عليكم ورحمه الله وبركاته

أزيكم جميعا يارب تكونوا بخير

معلش إضطريت أأجل الموضوع الرمضاني

عشان لقيت نفسي عايز انزل الموضوع ده

هو موضوع بسيط وخفيف بس يارب يوصل مغزاه

..................................

تخيل كده معايا إن العقوبه بتطبق عليك في الحال كان هيبقي إيه شعورك ؟؟

فاكرين" بونوكيو" الي كان في القصص الي كان كل ما يكدب مناخيره تطول

إتخيلوا ده لو حصل مع البشر

تخيل معايا لو إتنين ماشيين في الشارع وواحد بيكلم التاني

وفجأه بنبص لقيناه مناخيره طولت

او إنت بتسئل واحد صاحبك سؤال راح سكت شويه وإتكلم

راحت مناخيره طولت

ولو مثلا واحد سرق يلاقي إيده إتقطعت ولا صوابعه طولت

ولو مثلا واحد مسك في سيره حد او إغتابه لقي هدومه إتقطعت

ولا حس إن حد عضه في إيده او لسانه إتشل لمده كام ثانيه

ولا إتصنت علي حد ودانه كبرت ؟؟

وكذلك الحال في كل حاجه غلط بنعملها

كان هيبقي شعورنا وتصرفاتنا شكلها إيه ؟؟

أكيد كنا إتغيرنا قوي .. وكل واحد مشي عدل

ببساطه لأن ده مش ظابط هيضربك قلمين ولا هيدفعك غرامه ويسيبك

ولا مثلا ممكن تخبط طفل ومحدش شافك وتجري

لا الجزاء هيقع عليك حال

تفتكروا كان شكل الدنيا هيبقي عامل إزاي في كل حاجه

هو تخيل صعب قوي

بس علي كده هو جميل

ومرعب قوي قوي قوي

شوفوا بقي مظاهر رحمه ربنا علينا قد إيه

إنه خلي الجزاء مؤجل للأخره مش حال زي الحكومات

دلوقتي بقي :

عايز كل واحد فيكم قرأ الموضوع يقولي إيه الي تخيله

وإيه الي حسه اول ما تخيل وإيه إنطباعه

وكمان هل هو عاجبه او موافق علي الموضوع ده ولامعارض

وفي الحالتين يقول السبب

محدش يفوت الاسئله لحسن انا عارفكم

وفي الاخر خالص عايز في نهايه كل تعليق

الواحد يحمد ربنا علي كل النعم الي لو عاش مليون عمر علي عمره

عمره ما هيكفي ولا يوفي شكر الله علي نعمه واحده

وكل سنه وانتوا طيبين

ومستني مناقشاتكم من غير خمول

واشوفكم كلكم علي خير

حكم من الحياه

السلام عليكم ورحمه الله وبركاته

ازيكم جميعا يارب تكونوا بخير

بصراحه في دماغي اكتر من موضوع ومحتار اكتب في مين فيهم

قلت احسن حاجه اخليها حاجه خفيفه ولذيذه النهارده

ومالقتش احسن من الحكم والاقوال المأثوره

جمعتهم عشان كلنا نستفيد منهم

وبعد كده هيبقي فيه موضوع رمضاني

اسيبكم مع الموضوع :

-يقول إبراهام لنكولن: أنا أمشي ببطء، ولكن لم يحدث أبدا أنني مشيت خطوة واحدة للوراء.

-يقول جون وليامز: ما فائدة الدنيا الواسعة.. إذا كان حذاؤك ضيقا؟!

-ستتعلم كثير من دروس الحياة، إذا لاحظت أن رجال الإطفاء لا يكافحون النار بالنار.

-إن الشق وسط حبة القمح، يرمز إلى أن النصف لك والنصف الآخر لأخيك.

-السر في كونك شخصا مثيرا للملل، هو أنك تقول كل شي. فولتير

-لا يوجد في الحياة رجل فاشل، ولكن يوجد رجل بدأ من القاع وبقي فيه.

- إن أبواب الإنجازات تتسع لذلك الشخص الذي يرى في الأشياء التافهة إمكانيات غير محدودة. وليام آرثورد

-إننا نطيل الكلام عندما لا يكون لدينا ما نقوله. أندريه شينيه

-لقد اكتشفت مع الأيام أنه ما من فعل مغاير للأخلاق وما من جريمة بحق المجتمع إلا ولليهود يد فيها. هتلر

-قمة الأدب أن يستحي الإنسان من نفسه. أفلاطون

-السعادة تكون في ثلاث: أن تقوم بأمر الله، وأن تقنع بما قسم لك, وأن ترضى بما قضيّ .

- ليست السعادة في أن تعمل دائما ماتريد بل في أن تريد ما تعمله

-إن أسوأ ما يصيب الإنسان أن يكون بلا عمل أو حب

- الابتسامة كلمة طيبة بغير حروف

- لا تفكر في المفقود حتى لا تفقد الموجود

-الكلمة الطيبة جواز مرور إلى كل القلوب

-المال خادمٌ جيد .. لكنه سيدٌ فاسد

-دقيقة الألم ساعة .. وساعة اللذة دقيقة

- لا داعى للخوف من صوت الرصاص .. فالرصاصة التى تقتلك لن تسمع صوتها.

-من يقع فى خطأ فهو إنسان ومن يصر عليه فهو شيطان

*وديه بعض الحكم الخاصه بالتنميه البشريه والذاتيه:

- لا يوجد شيء يستطيع اضطرابك سوى أفكارك أنت. وأنت لديك القوة على رفض كل الأفكار التى بداخلك.

- إذا كان لديك رغبة حقيقية للتخلص من أى عادة مدمرة ..فإنك قد شفيت بالفعل 51% .

- إذا أردت الحكمة بقدر ما أردت الهواء حين تكون غارقا فى الماء فإنك ستحصل عليها. سقراط

- إن الحياة لاتعاقبك ..أنت تفعل ذلك لنفسك بأفكارك السلبية.

- إذا كنت تتحبب للحيوان فلن يهاجمك أبدا فما بالك بالإنسان.

- إنك لا تستطيع أن تشترى السعادة بكل أموال العالم..إن مملكة السعادة موجودة فى فكرك ومشاعرك.

- إن العقل هو الذي يجعلك سليما أو مريضا أو تعيسا أو سعيدا أو غنيا أو فقيرا.

- ارفع من قدر نفسك بالحديث إليها ايجابيا.

- إن الشخص الذي يبالغ في التمسك بآرائه لا يجد من يتفق معه.

- ليس الانتصار أن تتغلب على الآخرين ولا أن تتفوق عليهم، الانتصار الحقيقي أن لا يستطيع الآخرون العيش بدونك.

- إذا كان مصعد النجاح معطلا استخدم السلم درجة درجة.

- العقل مثل العضلة كلما مرنته كلما زادت قوته

وفي النهايه بهديكم صوره من تصميمي يارب تكون معبره كفايه ويوصلكم مغزاها

وكل سنه وانتوا طيبين

ورمضان كريم

رمضان كريم

السلام عليكم ورحمه الله وبركاته

قال تعالى :

(شهر رمضان الذي انزل فيه القران هدى للناس وبينات من الهدي والفرقان فمن شهد منكم الشهر فليصمه )

صدق الله العظيم


مالقتش اجمل من كلام رب العزه أبدا بيه


مش هطول بس عايز اقول كام حاجه :


1- نصلي يا جماعه فيه حد ينفع يفتح الباب من غير مفتاح كذلك لازم الصوم مع الصلاه

ونحاول نخشع . ونخلص كل أعمالنا لوجه الله عز وجل

2- نغض ابصارنا

3- نكثر من الاستغفار

4 - نكثر من الصدقات والمساعدات والاعمال التطوعيه

5- قراءه القرأن ونحاول نختمه فإنه يأتي يوم القيامه شفيعا لمن يقرءوه

6- نكثر من الدعاء ونحن موقنين بإلاستجابه فالله عند حسن ظن عبده

7- نحاول نصالح اي حد إحنا مزعلينه او حتي لو هو الي مزعلنا

8- إرضاء الوالدين كل يوم نبوس ايد ابونا وأمنا وراسهم الزكيه علي تعبهم معانا وتضحيتهم

9-الامتناع عن النميمه والغيبه والبهتان

10- المشاركه في اي شيء تدخل به السرور إلي قلب مسلم

11- صله الرحم مهمه قوي حتي ولو برساله موبايل

12- الابتسام في وجه اخيك صدقه

13 - الابتعاد عن السب واللعان وخاصه سباب الدين

ده جدول بسيط يساعدك علي ختم القرأن 4 مرات في الشهر

اخدته من الاخت العزيزه أيوشه صاحبه مدونه تخاريف واحاسيس ايوشه

الي يقدر يعمل بيه يعمل الي مايقدرش يكمل بطريقته

وفي النهايه احب اهديكم صوره من تصميمي

واقولكم كل سنه وانتوا طيبين

ربنا يجعل رمضان ده اجمل في عباده وطاعه الله وقربنا منه

ويارب نقدر نغتنم رمضان ده وكل رمضان يارب في طاعه الله

كل سنه وكل المسلمين طيبين وبخير

أعاده الله علينا وعلي الامه الاسلاميه بالخير واليمن والبركات

رمضان كريم

....................

واجب : البقاء لله توفي إلي رحمه الله تعالي والد صديقنا المدون " مصعب صلاح "

صاحب مدونه " وحي القلم" اللهم تغمد الفقيد برحمتك وعفوك ومغفرتك

والهمك أخي الصبر وأن تحتسب وان تكون الابن الصالح الذي يدعو له

وصدقته الجاريه اللهم إرحمه وارحم والدي وجميع المسلمين الذين شهدوا لك بالوحدانيه

ولنبيك بالرساله وماتوا علي ذلك

وألهم الاسره الصبر والسلوان