اصحي يا بلد
ده العقم منك إتولد
وكلنا فاردين ضهورنا
وإتخلينا عن جسورنا
وفي الساحه الكل وقف يتجلد
سؤال من غير جواب
إمتي هيبقي الحساب
هو الظلم هيفضل للأبد
الفساد في البيت والشارع والدوله
والمخدرات والجنس والكفر بقيوا مناوله
والقرش بيتسجدله والحاكم في زمنا إتعبد
يا بلدنا قومي قامت قيامتك
ده الثوره عالظلم من نصوص ديانتك
إتمرد يا إنسان دا إنت مخلوق في كبد
مستنين إيه؟؟
ما اللقمه مش بتلاقوها غير في الزباله
وإتقال علي زماننا ماتوا فيه الرجاله
ولو ماقمتوش وماتغيرتوش
ماتطلبوش من ربنا المدد
تمانين مليون مصري يقدروا يغيروا الكون
وسته مليار مسلم قادرين يحاربوا الظلم مهما يكون
مستهونين بنفسكم ولا لسه بتكملوا العدد
سلاحنا فــــــ إيدينا
ولو متنا هيعيشوا أحرار الي بعدينا
قادرين تكونوا مارد إمتي هتحضروا العدد
لو الكلام بيفيد غيري شتم وقال كتير
وكل يوم الظلم بيطلعنا لسانه
وبيحترم عننا الحمير
وإنت يا مصري ويا عربي ولا بتتحرك
ولو الكون حواليك إتهبد
مننا الي الترف والفلوس والبترول نسوه الحريه
وغيره الي بيفكر في اكل العيش
والليله الحمرا والذريه
وسايب اخوه الي إتهدر دمه
ومن بلاده كل يوم بينطرد
وعهد الله دا إحنا ما حصلنا العيال
بقي الكلام هو الوجود
والعدم هو الافعال
اه يا بلاد فيها العجب
تمسك في الهايفه وتسيب السبب
يا بلاد بفضيله زايفه
يا أمم من خوفها خايفه
يا عقول افكارها دايخه
يا بشر ماتقولش هعمل
كل قولكم إزاي وليه وكيف
من وهننا سبنا الصهاينه
يدوسوا علي وشنا
وياكلوا حقنا
ويسترخصوا دمنا
ويهدوا قدسنا
يارب إحنا بنعترف الحرب للرجاله
وإحنا ناكرينها وبنعترف
يمكن يكون الامل في الولد
او فــ الي هيتولد
يارب مش قادرين نحمي بلادنا ونفسنا
احمينا وحررنا وابعتلنا المدد
ده العقم منك إتولد
وكلنا فاردين ضهورنا
وإتخلينا عن جسورنا
وفي الساحه الكل وقف يتجلد
سؤال من غير جواب
إمتي هيبقي الحساب
هو الظلم هيفضل للأبد
الفساد في البيت والشارع والدوله
والمخدرات والجنس والكفر بقيوا مناوله
والقرش بيتسجدله والحاكم في زمنا إتعبد
يا بلدنا قومي قامت قيامتك
ده الثوره عالظلم من نصوص ديانتك
إتمرد يا إنسان دا إنت مخلوق في كبد
مستنين إيه؟؟
ما اللقمه مش بتلاقوها غير في الزباله
وإتقال علي زماننا ماتوا فيه الرجاله
ولو ماقمتوش وماتغيرتوش
ماتطلبوش من ربنا المدد
تمانين مليون مصري يقدروا يغيروا الكون
وسته مليار مسلم قادرين يحاربوا الظلم مهما يكون
مستهونين بنفسكم ولا لسه بتكملوا العدد
سلاحنا فــــــ إيدينا
ولو متنا هيعيشوا أحرار الي بعدينا
قادرين تكونوا مارد إمتي هتحضروا العدد
لو الكلام بيفيد غيري شتم وقال كتير
وكل يوم الظلم بيطلعنا لسانه
وبيحترم عننا الحمير
وإنت يا مصري ويا عربي ولا بتتحرك
ولو الكون حواليك إتهبد
مننا الي الترف والفلوس والبترول نسوه الحريه
وغيره الي بيفكر في اكل العيش
والليله الحمرا والذريه
وسايب اخوه الي إتهدر دمه
ومن بلاده كل يوم بينطرد
وعهد الله دا إحنا ما حصلنا العيال
بقي الكلام هو الوجود
والعدم هو الافعال
اه يا بلاد فيها العجب
تمسك في الهايفه وتسيب السبب
يا بلاد بفضيله زايفه
يا أمم من خوفها خايفه
يا عقول افكارها دايخه
يا بشر ماتقولش هعمل
كل قولكم إزاي وليه وكيف
من وهننا سبنا الصهاينه
يدوسوا علي وشنا
وياكلوا حقنا
ويسترخصوا دمنا
ويهدوا قدسنا
يارب إحنا بنعترف الحرب للرجاله
وإحنا ناكرينها وبنعترف
يمكن يكون الامل في الولد
او فــ الي هيتولد
يارب مش قادرين نحمي بلادنا ونفسنا
احمينا وحررنا وابعتلنا المدد
