حيــــــــــــــــران
مش عارف لية من فترة حاسس بالحزن والحيره. بيدور جوا عقلى أفكار كتيرة . وبتتزاحم وفى الأخر
بوصل لنفس النتيجه.. .
أول فكرة أنى كنت عايز أشتغل وفضلت الفكره مسيطره عليا فترات طويلة قوى .. وأدينى بدأت كام خطوة أنى أشتغل .
لكن برضة مخى مبطلش تفكير وأفكارى مسابتنيش..
بتنتابنى حاله من الحزن عشان حاسس قوى بالوحده .رغم وجود ناس قريبين منى .صحيح ساعات بحس أن محدش فاهمنى .
لكن كتير بيزول أحساسى بعدم فهم الى حواليا ليا ..
قعدت أفكر.. أية سبب الوحده والعجز دول ؟؟؟؟
فكرت كتير. .وكتير انا لية خلقى ضيق.. علطول مخنوق
..دايما حزين .. وعقلى يقلى. يمكن.و يمكن .ويمكن
ويطرح مليون سؤال؟؟
لكن الحيرة بترجعلى ومش بلاقى أجابة !!
وفى يوم عرفت انا لية حاسس بكل دة
حاسه انا مفتقدها .. أهم حاسه فى حياتى ..
ضلع ناقـــــص من أولوياتى
أنا ناقصنى الحب؟؟؟؟؟؟؟؟
ياااااااااااااااااااااااااه .. نفسى حد يحس بيا وانا زعلان وحزين يطبطب عليا
حد ساعة فرحى يفرحلى ويفرح معايا .. حد يفهمنى من غير ما أتكلم
يحس بيا من غير ما أبين.. حد يقبلنى بكل طباعى
حد لحظة الوحده يسئل عنى .. ساعة جرحى يخفف ألمى
حد يهتم بيا .. حد أكون له انا كل شىء
ينصحنى لو فكرت أغلط .. ويزعل منى أن عملته
يكون حدى .. يملك قلبى .. ويسلب أفكارى ناحيتة مافكرش غير فية .. محسش مرة بوحدتى ولا بوحدته
يضمنى وأبكى فى حضنه .. يمسح دموعى بمواساته و صبرة
حاسس بحاله من العجز والحزن اول مرة أحسهم بالدرجة دية
هناك 3 تعليقات:
بجد ومن غير فلسفة الإحساس ده هيزول مع الصلاة أولا لان المؤنس الحقيقي هو ربنا
هو الوحيد اللي بيحس بينا قوي قوي
ممكن تعيط له وتشكيه وتناجيه.
اما ثانيا : طبعا الشغل هو اللي بينسي الواحد وكمان بيحسسه بالإستقلال
وده طبعا هو أساس الحرية
يوسف شاهين قال : الأفكار ليها جناحات محدش يقدر يمنعها من الطيرن . وطبعا دي هي ثالثا
م . ي
رقه::
هاااااااااااااااااايل تجسيد احساسك اوى يازيزو بيتهيالى اول مره اشوفك بتتكلم بالاسلوب ده
انا مع الراى الاول الصلاه فعلا وقربنا من ربنا والقران بيهون علينا ياماااا
وكمان بيريح الاعصاب بيخلى الواحد راضى الى حد كبير عن حاله ممكن ده مخليك حاسس بتقصير ناحيه نفسك وبيخلى حالتك النفسيه فى اضطراب
وهقولك نصيحه انت كده احلى لو حبيت هتتعب اكتر بكتييييييييير
انا حاسس باللى بتتكلم عليه
احتياج الحب
احتياج مشروع
بس اللى يحس و يقدر و يفهم
إرسال تعليق